ટ્રમ્પના નવા રેમિટન્સ ટેક્સથી અમદાવાદના રિયલ એસ્ટેટ ઉદ્યોગને ઝટકો, NRI રોકાણ ધીમું પડવાની આશંકા

અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પ દ્વારા "ધ વન બિગ બ્યુટીફૂલ બિલ" હેઠળ લાદવામાં આવનાર 5 ટકા રેમિટન્સ ટેક્સના પગલે અમદાવાદ સહિત ગુજરાતના રિયલ એસ્ટેટ ઉદ્યોગને મોટો ફટકો પડી શકે છે. ખાસ કરીને NRI રોકાણ પર તેની સીધી અસર થવાની શક્યતા છે.

બિનનિવાસી ભારતીયો ભારત અને ગુજરાતમાં મોટા પ્રમાણમાં રિયલ એસ્ટેટમાં રોકાણ કરતા રહ્યા છે, જેમાં મોટા ભાગે પ્રી-બુકિંગના સ્ટેજ પર ફંડિંગ કરવામાં આવે છે. હવે નવા ટેક્સના કારણે આવા રોકાણમાં ધીમી ગતિ જોવા મળી શકે છે. આ અગાઉ, રિઝર્વ બેન્કના નિયમો હેઠળ NRIઓને મિલકત ખરીદવાની છૂટ હતી અને આ વ્યવસ્થામાં પરિવર્તન આવ્યો નથી. જોકે, હવે અમેરિકામાંથી ફંડ ટ્રાન્સફર કરતી વખતે 5 ટકા રેમિટન્સ ટેક્સ લાગશે.

NRI રોકાણ પર સીધી અસર

ટ્રમ્પના નવા ટેક્સ નિયમથી અમેરિકામાં રહેલા ભારતીય રિયલ એસ્ટેટ રોકાણકારો હવે તેમના નફાકારકતા (માર્જિન) પ્રમાણે આ ફંડિંગ પર પુનર્વિચાર કરી શકે છે. તેનાથી અમદાવાદ સહિત સમગ્ર ગુજરાતના મિલકત માર્કેટમાં રોકાણ ઓછું થઈ શકે છે.

2026થી ટેક્સનો થશે અમલ

આ બિલ 26 મે સુધીમાં પસાર થવાની શકયતા છે અને ટ્રમ્પ દ્વારા 3 જુલાઈ સુધીમાં તેને મંજૂરી આપી શકે છે. ટેક્સની અમલવારિ 1 જાન્યુઆરી, 2026થી થવાની શક્યતા છે. તેથી 2026માં અમદાવાદ સહિત ગુજરાતના મોટા શહેરોમાં NRIના રોકાણમાં બ્રેક લાગવાની શક્યતા છે.

બિલ્ડરો માટે પડકાર ઉભો

વિદેશથી આવતા નાણા ઓછી માત્રામાં આવશે તો બિલ્ડર્સના પ્રોજેક્ટના સ્ટોકને લાંબા સમય સુધી હોલ્ડ રાખવો મુશ્કેલ બનશે. તેનાથી અમદાવાદના રિયલ એસ્ટેટ માર્કેટના ભાવ પર દબાણ આવી શકે છે અને કિંમતોમાં ઘટાડો થવાની શક્યતા રહેલી છે.