Dahod પ્રેમસંબંધનો ચોંકાવનારો અંજામ: ભાણેજે મામીની ચાકુ મારી હત્યા કરી

ગુજરાતમાં અવારનવાર હિંસા, લૂંટ અને હત્યા જેવા ગુનાઓ સામે આવતા રહે છે, પરંતુ દાહોદમાં બનેલી એક ઘટનાએ સૌને સ્તબ્ધ કરી દીધા છે. ગત 5 જૂન, 2025ના રોજ દાહોદ-ઇન્દોર હાઇવે પર જૂની સેલટેક્ષ નજીકની એક નિર્જન જગ્યાએ આવેલી ઓરડીમાંથી એક મહિલાનો મૃતદેહ મળી આવ્યો હતો. આ ઘટનાની તપાસમાં દાહોદ પોલીસે CCTV ફૂટેજની મદદ લીધી, જેમાં એક આઘાતજનક હકીકત સામે આવી. મહિલાની હત્યાનો આરોપી બીજું કોઈ નહીં, પરંતુ તેનો ભાણેજ જ હતો, જેની સાથે મૃતક મહિલાના પાંચ વર્ષથી પ્રેમસંબંધ હતા.   પોલીસ તપાસમાં જાણવા મળ્યું કે, મૃતક મહિલા, વર્ષાબહેન ઉર્ફે લીલાબહેન, મૂળ પંચમહાલના મોરવા ગામની વતની હતી. તેમના લગ્ન ઝાલોદના ગામડી ગામે થયા હતા, અને તેઓ હાલમાં પોતાના પરિવાર સાથે મધ્યપ્રદેશના ઝાબુઆમાં રહેતા હતા. પોલીસે આ કેસની તપાસ માટે દાહોદથી ઝાબુઆ સુધીના 100થી વધુ CCTV ફૂટેજની તપાસ કરી. આ દરમિયાન, મૃતક મહિલા એક પુરુષ સાથે બાઇક પર જોવા મળી હતી.   આ ફૂટેજના આધારે પોલીસે બાઇકના માલિકની શોધખોળ કરી, જેનું નામ પ્રવિણ જુવાનસિંગ પામાણી હોવાનું સામે આવ્યું. પ્રવિણ દાહોદના ખરોડ ગામનો રહેવાસી હતો. પૂછપરછ દરમિયાન, પ્રવિણે ચોંકાવનારો ખુલાસો કર્યો. તેણે જણાવ્યું કે, તે અને તેની મામી વચ્ચે પાંચ વર્ષથી પ્રેમસંબંધ હતો. જોકે, પ્રવિણે તેની મામીની દીકરી સાથે પણ પ્રેમની વાતો શરૂ કરી હતી, જેની જાણ મામીને થઈ. આ વાતથી ગુસ્સે થયેલી મામીએ પ્રવિણને બંને સંબંધોનો અંત લાવવાનું થી કહ્યું અને નહીં માને તો પોલીસમાં ફરિયાદ કરવાની ધમકી આપી.   આ ધમકીથી ડરીને પ્રવિણે મામીની હત્યાનો પ્લાન ઘડ્યો. 5 જૂનના રોજ, તે મામીને ઝાબુઆના કલ્યાણપુરા ચોકડીથી લઈને દાહોદના આસપાસના ગામડાઓમાં અનાજ માંગવા ફેરવ્યો. રાત્રે, તેઓ જૂની સેલટેક્ષ નજીકની નિર્જન ઓરડીમાં રોકાયા. ત્યાં, રાત્રિના 3 વાગ્યે, પ્રવિણે ચાકુ વડે મામીના ગળા પર હુમલો કરીને તેમનું મોત નીપજાવ્યું અને ઘટના આ દપઉ ફરાર થઈ ગ્યો. દાહોદ પોલીસે તાત્કાલિક આરોપી પ્રવિણની ધરપકડ કરી અને આગળની કાર્યવાહી શરૂ કરી. આ ઘટનાએ સમાજમાં પ્રેમસંબંધોની જટીલતા અને તેના ભયાનક પરિણામોને લઈને ચર્ચાનો વિષય બનાવ્યો છે.