ઓબીસી અનામતના બે ભાગ કરવા કોંગ્રેસ સાંસદ ગેનીબેનની માંગ

કોંગ્રેસના બનાસકાંઠા બેઠકના સાંસદ ગેનીબેન ઠાકોર રાજ્યમાં અમલી ઓબીસી અનામતના બે ભાગ કરવાની માંગ કરી છે. આ સંદર્ભમાં તેમણે દેશના વડાપ્રધાન નરેન્દ્ર મોદીને પત્ર લખી એવી રજૂઆત કરી છે કે ૨૭ ટકા અનામત ઓબીસી નીચે આવતાં સમાજ માટે હોવા છતાં, તેમાં અનેક સમાજ છે, જેમને આ અનામત પ્રથાના લાભથી કાંતો વંચિત રહે છે કાંતો મળતો જ નથી. તેથી આવા સમૂહ માટે ખાસ અનામતની અંદર અનામત રાખવાની જરૂરિયાત ઉભી થઇ છે.     ગેનીબેનની એવી ફરિયાદ છે કે આ કેટેગરી નીચે કુલ ૨૩ સમાજ આવે છે, તેમાંથી પાંચ થી દસ સમાજ એવા છે કે તે અનામતનો ૯૦ ટકા લાભ લઇ જાય છે, જ્યારે બાકીના ૧૦ થી ૧૩ સમૂહ એવા જેમના વચ્ચે દસ ટકાનો જ હિસ્સો બચે છે, આવા સમૂહને યોગ્ય ન્યાય આપવા અતિ પછાત રહી ગયેલા સમૂહ માટે ઓબીસી અનામતમાં અનામત અમલી કરવું જોઇએ.    પોતાની રજૂઆતમાં સંદર્ભમાં તેમણે ઓબીસી નીચે આવતા તમામ સમૂહના સામાજિક અને આર્થિક વિકાસની સ્થિતિનો અભ્યાસ  માંગણી કરી છે. તેમનુ માનવુ છે એક સાચો અભ્યાસ ચિતાર આપશે કે ઓબીસીમાં કેટેગરીમાં આવતા ક્યાં સમૂહ આ અનામત પ્રથાના લાભથી વંચિત રહ્યાં છે અને હજુ સુધી વિકાસ તેમના સુધી પહોંચી શક્યો નથી.    તેમણે ખૂબ ભારપૂર્વક માંગણી કરી છે ઓબીસીમાં ઠાકોર અને કોળી સમાજ સુધી આ અનામતનો પૂરતો લાભ મળતો નથી, અને વિકાસ થી વંચિત રહી ગયાં છે, તો ૨૭ ટકા ઓબીસી અનામતમાં તેમના માટે અલગથી ૨૦ ટકા રાખવી જોઇએ. જ્યારે જે સમાજનો વિકાસ થઇ ગયો છે, તેમની અનામત ઘટાડી સાત ટકા કરવી જોઇએ.   IANS