Ahmedabad Plane Crash માં પૂર્વ CM વિજય રૂપાણીનું અવસાન, CR પાટીલે કરી સત્તાવાર પુષ્ટિ!

આજે બપોરે અમદાવાદમાં બનેલી ભયાવહ પ્લેન દુર્ઘટના અંગે સૌથી દુઃખદ અને હૃદય કંપાવનારા સમાચાર સામે આવ્યા છે. ગુજરાતના રાજકારણમાં અને સમગ્ર રાજ્યમાં શોકની ગહેરી લાગણી વ્યાપી ગઈ છે, કારણ કે કેન્દ્રીય મંત્રી અને ગુજરાત ભાજપ પ્રદેશ અધ્યક્ષ સી.આર. પાટીલે સત્તાવાર રીતે પુષ્ટિ કરી છે કે, આપણા આદરણીય પૂર્વ CM વિજય રૂપાણી આ કાળમુખી ફ્લાઇટ AI-171 માં જ સવાર હતા અને દુર્ભાગ્યપૂર્ણ રીતે, તેમનું આ દુર્ઘટનામાં નિધન થયું છે.

પાટીલે અત્યંત દુખ વ્યક્ત કરતા જણાવ્યું, "આપણા આદરણીય પૂર્વ CM વિજય રૂપાણી આ ફ્લાઇટમાં હતા. દુર્ભાગ્યપૂર્ણ રીતે, વિજય રૂપાણી આ દુર્ઘટનાનો ભોગ બનેલાઓમાં સામેલ છે. ભગવાન તેમની આત્માને શાંતિ આપે."

ઉલ્લેખનીય છે કે, પ્લેન ક્રેશ થયાના થોડા જ સમયમાં વિજય રૂપાણીના મૃત્યુના સમાચાર વાયરલ થયા હતા. જોકે, તે સમયે કોઈ સત્તાવાર પુષ્ટિ થઈ ન હતી અને અફવાઓ પર પૂર્ણવિરામ મુકાયાના દાવાઓ પણ થયા હતા. પરંતુ, હવે સી.આર. પાટીલ જેવા ઉચ્ચ પદાધિકારી દ્વારા જ આ સમાચારની પુષ્ટિ કરવામાં આવતા, રાજકીય અને જાહેર વર્તુળોમાં ભારે આઘાત લાગ્યો છે.

આ પણ વાંચો : Plane Crash : સાંસદના ટ્વીટથી ખળભળાટ, વિજય રૂપાણીના પત્ની અંજલીબેન લંડનથી રવાના!

ગુજરાતે આજે એક લોકપ્રિય અને કાર્યદક્ષ નેતા ગુમાવ્યા છે. આ દુર્ઘટનાએ રાજ્યને પારાવાર નુકસાન પહોંચાડ્યું છે અને પૂર્વ CM ના નિધનના સમાચારથી સમગ્ર ગુજરાત શોકમાં ગરકાવ થઈ ગયું છે. આ એક એવી કરુણાંતિકા છે જેને શબ્દોમાં વર્ણવી અશક્ય છે. ભગવાન દિવંગત આત્માને શાંતિ અર્પે અને તેમના પરિવારને આ દુઃખ સહન કરવાની શક્તિ આપે.

આ પણ વાંચો : Ahmedabad માં પ્લેન ઇન્ટર્ન ડોક્ટર્સની હોસ્ટેલ પર પડ્યું, સફેદ કફન ખૂટતાં મહિલાઓએ સાડીઓ આપી!