અમદાવાદમાં થયેલી દુ:ખદ વિમાન દુર્ઘટના બાદ સિવિલ હોસ્પિટલના સુપ્રિન્ટેન્ડેન્ટ ડો. રાકેશ જોશીએ 20 જૂન 2025ના રોજ મીડિયા બ્રીફિંગમાં મહત્વની માહિતી આપી હતી. તેમણે જણાવ્યું કે, અત્યાર સુધીમાં 223 મૃતકોના DNA સેમ્પલનું મેચિંગ પૂર્ણ થયું છે, જેમાંથી 220 પરિવારોનો સંપર્ક કરવામાં આવ્યો છે. આ ઉપરાંત, 202 પાર્થિવ દેહ તેમના પરિવારજનોને સોંપવામાં આવ્યા છે. સારવાર હેઠળ રહેલી બે વ્યક્તિઓનું નિધન થતાં કુલ 204 મૃતદેહ પરિવારોને સોંપાયા છે.
મૃતકોની રાષ્ટ્રીયતા અને વિગતો
DNA મેચ થયેલા 223 મૃતકોમાં 168 ભારતીય નાગરિકો, 11 સ્થાનિક રહેવાસીઓ (નોન-પેસેન્જર), 7 પોર્ટુગલના નાગરિકો, 36 બ્રિટિશ નાગરિકો અને 1 કેનેડિયન નાગરિકનો સમાવેશ થાય છે. આ મૃતદેહોમાંથી 15 હવાઈ માર્ગે અને 189 સડક માર્ગે તેમના નિવાસસ્થાનો પર પહોંચાડવામાં આવ્યા છે.
આ પણ વાંચો : Ahmedabad: " જગન્નાથજીની 148મી રથયાત્રા પરંપરાગત રૂટથી જ નીકળશે"
પાર્થિવ દેહોનું વિતરણ
સોંપવામાં આવેલા 204 મૃતદેહોનું વિતરણ નીચે મુજબ છે:
-
ગુજરાત: અમદાવાદ (58), વડોદરા (21), આણંદ (21), દીવ (14), સુરત (11), ખેડા (11), ભરૂચ (7), ગાંધીનગર (6), મહેસાણા (6), ગીર સોમનાથ (5), રાજકોટ (3), અરવલ્લી (2), અમરેલી (2), જામનગર (2), પાટણ (2), દ્વારકા (2), બોટાદ (1), પાલનપુર (1), મહીસાગર (1), ભાવનગર (1), જુનાગઢ (1), સાબરકાંઠા (1), મોડાસા (1)
-
અન્ય રાજ્યો: મહારાષ્ટ્ર (2), મુંબઈ (9), ઉદયપુર (7), જોધપુર (1), પટના (1), નાગાલેન્ડ (1)
-
આંતરરાષ્ટ્રીય: લંડન (2)
ડો. જોશીએ જણાવ્યું કે, સિવિલ હોસ્પિટલ દ્વારા મૃતદેહોની ઓળખ અને પરિવારજનોને સોંપવાની પ્રક્રિયા ઝડપથી અને કાળજીપૂર્વક કરવામાં આવી છે. DNA મેચિંગની પ્રક્રિયા ચાલુ છે, અને બાકીના પરિવારો સાથે સંપર્ક સાધવાની કામગીરી પણ ચાલુ છે.
આ દુર્ઘટનામાં પીડિત પરિવારો પ્રત્યે સિવિલ હોસ્પિટલના સ્ટાફે સંવેદના વ્યક્ત કરી છે અને શક્ય તમામ સહાય પૂરી પાડવાની પ્રતિબદ્ધતા દર્શાવી છે.
