વડોદરા મહાનગરપાલિકા આખરે જાગી, વિશ્વામિત્રી નદીના પટ પરના દબાણોને આપી નોટિસ

વડોદરા શહેરમાં અસાધારણ પૂરની સ્થિતિનું નિર્માણ થયું હતું. જેમાં શહેરનો ૫૦ ટકા વિસ્તારમાં પૂરના પાણી ફરી વળ્યાં હતાં. જો કે તે માટે સ્થાનીક વરસાદ કરતાં નદી પાણી વહેણની જગ્યા ઘટવાના કારણે પાણી શહેરમાં ફરી વળ્યું હતું. આ સમસ્યાાએ સ્થાનીકોમાં ભારે આક્રોશ જગાડ્યો હતો અને ગેરકાયદેસર દબાણનો મૂદ્દો ઉછળ્યો હતો. આખરે વડોદરા મહાનગરપાલિકા ઘોર નિંદ્રામાંથી જાગી અને બુધવારે ૧૩ દબાણનો નોટિસ ફટકારી છે.  જેમાં વિવાદીત અગોરા મોલનો સમાવેશ થાય છે.   મ્યુનિસિપલ કમિશનર દિલીપ રાણાએ પત્રકારોને માહિતી આપતા જણાવ્યું કે નદી કાંઠાના સમગ્ર વિસ્તારનો ડ્રોન દ્વારા સર્વે કરવામાં આવ્યો હતો, જેની સાથે મહેસૂલી દસ્તાવેજની ચકાસણી પછી, સ્થળ પરનું જાત નીરિક્ષણ કરી જ્યાં જ્યાં દબાણો થયાં હતાં, તે તમામ મિલ્કત ધારકને  નોટિસ આપવામાં આવી છે.   કેટલાક સ્થળ પર દબાણકારોએ જાતે મિલ્કત પાડી લેવાનું શરૂ કરી દીધુ છે, તેમ અધિકારીએ ઉમેર્યુ હતું.    આ વખતે પૂરના કારણે સ્થાનીક નાગરીકોનો ગૂસ્સો સાતમા આસમાને પહોચ્યો હતો. તેમણે  ધારાસભ્યો, કોર્પોરેટરોને પૂરગ્રસ્ત વિસ્તારની મુલાકાત લેતા અટકાવી, તીખા અને સણસણતા સવાલ કરી, પાછા જવા મજબૂર કર્યાં હતાં. ભાજપના જ કાર્યકરો પક્ષની નિષ્ફળતાને સોશિયલ મિડિયામાં ઉજાગર કરતાં જોવા મળ્યાં હતાં.