વડોદરા મનપાના અધિકારીઓને કોણ કરી રહ્યું છે ટાર્ગેટ

વડોદરા મહાનગરપાલિકાના વર્ગ-1ના અધિકારીઓ અચાનક માસ સીએલ ઉપર ઉતરી ગયા છે. ત્રાહિત વ્યક્તિ દ્વારા અધિકારીઓને ટાર્ગેટ કરાતાં હોવાનો તેમજ ઓડિટ વિભાગમાંથી બીલની વિગતો લીક થઈ રહી હોવાનો આક્ષેપ કર્યો છે. વર્ગ-1 ના અધિકારીઓએ મ્યુનિસિપલ કમિશનરને લેખિત રજૂઆત કરી કાર્યવાહી કરવા માગણી કરી છે.  

વડોદરા મહાનગરપાલિકાના વર્ગ-1ના અધિકારીઓ માસ સીએલ પર ઉતર્યા છે. મનપામાં અધિકારીઓ વચ્ચે આંતરિક ખેંચતાણ ચાલી રહી હોવાથી વિવાદ સર્જાયો છે. ચોક્કસ વિભાગના બિલોની વિગતો ઓડિટ વિભાગમાંથી લીક થઈ રહી હોવાનો આરોપ છે.

પાલિકાના કામોની વિગતો ખોટી રીતે લીક કરી અધિકારીઓને ટાર્ગેટ કરાતા હોવાનો તેમજ ત્રાહિત વ્યક્તિઓ કામના સ્થળે જઈ નાણાંકીય માગણી કરતા હોવાનો અધિકારીઓએ આક્ષેપ કર્યો છે.

વડોદરા મનપાના અધિકારીઓ વચ્ચેની આંતરિક ખેંચતાણ સપાટી પર આવી છે. પાલિકાના વર્ગ-1  અધિકારીઓ બે દિવસની માસ CL પર ઉતરી ગયા છે. ઓડિટ વિભાગમાંથી બિલોની ગોપનીય વિગતો લીક થતી હોવાનો અને ત્રાહિત વ્યક્તિઓ દ્વારા નાણાકીય ધમકીઓ આપવામાં આવતી હોવાનો પણ આક્ષેપ કરાયો છે.

વિવિધ વિભાગોના કામોની ટેન્ડર તેમજ બિલોની વિગતો ઓડિટ વિભાગમાંથી લીક કરવામાં આવી રહી છે. વિગતોનો ઉપયોગ કરી કેટલાક ત્રાહિત વ્યક્તિઓ સીધા કામના સ્થળે પહોંચી સંબંધિત અધિકારીઓ અને કોન્ટ્રાક્ટરો પાસે નાણાકીય માંગણીઓ કરતા હોવાનો આક્ષેપ અધિકારીઓએ કર્યો છે.

નામ નહી લખવાની શરતે વર્ગ-1ના અધિકારીઓનું કહેવું છે કે, ખોટી રીતે માહિતી લીક કરીને અમને ટાર્ગેટ કરવામાં આવી રહ્યા છે. કામના સ્થળે ત્રાહિત વ્યક્તિઓ આવીને ધમકીઓ આપે છે અને પૈસાની માગણી કરે છે. આ સ્થિતિમાં માનસિક તણાવના કારણે કામ કરવું અશક્ય બન્યું છે.

વર્ગ-1 અધિકારીઓ મ્યુનિસિપલ કમિશનરને આવેદનપત્ર આપી માસ સીએલ પર ઉતરી જતાં મનપામાં ખળભળાટ મચી ગયો છે. અધિકારીઓમાં રોષ એટલો વધી ગયો છે કે તેઓ પાછા ફરવા તૈયાર નથી. બે દિવસ અધિકારીઓ માસ સીએલ ઉપર રહેતાં વહીવટી કામગીરી ઉપર અસર થવાની શક્યતા છે. જો કે, મનપામાં આટલો મોટો વિવાદ થવા છતાં સત્તાધીશોને જાણે કે પડી ના હોય તેમ લાગી રહ્યુ છે. અધિકારીઓના વિવાદનો ઉકેલ નહી આવે તો સામાન્ય નાગરિકોને તકલીફ પડવાની શક્યતા છે.