ગરમી સાથે વરસાદની આગાહી

હવામાન વિભાગે આગામી દિવસોની આગાહી કરી છે. જે અંતર્ગત રાજ્યમાં આગામી ચાર દિવસ સુધી હવામાન સૂકું રહેશે. અગાઉ, હવામાન વિભાગે ઉત્તર ગુજરાતના કેટલાક જિલ્લાઓમાં 10 અને 11 એપ્રિલે વરસાદની આગાહી કરી હતી. પરંતુ વાતાવરણના ઉપરના સ્તરમાં પલટો આવતાં વેસ્ટર્ન ડિસ્ટર્બન્સ ગુજરાતના ઉત્તરીય ભાગ તરફ આવી રહ્યું છે. જેના કારણે 10 અને 11 એપ્રિલના બદલે 12 અને 13 એપ્રિલે દક્ષિણ ગુજરાત અને સૌરાષ્ટ્ર-કચ્છ અને ઉત્તર ગુજરાતના કેટલાક જિલ્લાઓમાં હળવો વરસાદ પડી શકે છે.તાપમાન 40 ડિગ્રીને પાર થવાની આગાહી પણ કરવામાં આવી છે. આથી તાપમાનમાં વધારા વચ્ચે વરસાદની શક્યતા હવામાન વિભાગે વ્યક્ત કરી છે.