લુના દ્વારા લોકપ્રિયતા મેળવનાર કંપની કાઇનેટિક ટૂંક સમયમાં બજારમાં એક નવું ઇલેક્ટ્રિક સ્કૂટર લોન્ચ કરવા જઈ રહી છે. આ નવું સ્કૂટર ઘણી અદ્યતન સુવિધાઓથી સજ્જ હશે. ઇ-લુનાની સફળતા પછી હવે કાઇનેટિક ગ્રીન કંપની ઇલેક્ટ્રિક ટુ-વ્હીલર અને થ્રી-વ્હીલર સેગમેન્ટ પર સંપૂર્ણપણે ધ્યાન કેન્દ્રિત કરી રહી છે. કંપની હવે તેના આગામી વાહનોમાં AI આધારિત ડ્રાઇવર સહાય સિસ્ટમ, અદ્યતન કનેક્ટિવિટી અને નવી ટેકનોલોજી ઉમેરવા માંગે છે. તાજેતરમાં પુણેમાં પરીક્ષણ દરમિયાન કંપનીનું એક નવું ઇલેક્ટ્રિક સ્કૂટર જોવા મળ્યું હતું.
સ્કૂટરની ડિઝાઇન:
કાઇનેટિકે તાજેતરમાં એક નવા ઇલેક્ટ્રિક સ્કૂટરની ડિઝાઇન પેટન્ટ કરાવી છે, જે તદ્દન જૂના કાઇનેટિક હોન્ડા ZX જેવું જ દેખાય છે. તસવીરમાં જોવા મળે છે કે સ્કૂટર ZXથી પ્રેરિત રેટ્રો લુકમાં પણ દેખાયું હતું. તેમાં સ્લિમ ડિઝાઇન ફ્રન્ટ એપ્રોન, નાની વિન્ડસ્ક્રીન અને લંબચોરસ LED હેડલાઇટ છે. સાઇડ મિરર અને નંબર પ્લેટ સ્પેસ પણ કાઇનેટિક હોન્ડા ZX જેવી જ છે.
ઇ- સ્કૂટરમાં ઉપલબ્ધ સુવિધાઓ:&nbsp;
રેટ્રો લૂક સાથે આ સ્કૂટર ડિજિટલ મીટર, બ્લૂટૂથ કનેક્ટિવિટી, સ્માર્ટફોન એપ સાથે કનેક્શન જેવા ઘણા નવા ફીચર્સથી સજ્જ હશે. તેની મોટર અને બેટરી વિશે હજુ સુધી કોઈ પુષ્ટિ થયેલ માહિતી નથી, પરંતુ એવું માનવામાં આવે છે કે તેમાં મિડ-માઉન્ટેડ ઇલેક્ટ્રિક મોટર અને નાની બેટરી હશે. સ્કૂટરમાં ટેલિસ્કોપિક ફ્રન્ટ સસ્પેન્શન, ડ્યુઅલ રીઅર શોક એબ્ઝોર્બર્સ, ફ્રન્ટ ડિસ્ક બ્રેક અને ત્રણ સ્પોક એલોય વ્હીલ્સ હશે.
આ નવું કાઇનેટિક હોન્ડા DX સ્કૂટર ફેમિલી સ્કૂટર તરીકે આવશે અને એથર રિઝ્ટા, હીરો વિડા, બજાજ ચેતક, ઓલા S1 અને TVS આઇક્યુબ જેવા ઇલેક્ટ્રિક સ્કૂટર્સ સાથે સ્પર્ધા કરશે. તેની કિંમત લગભગ 1 લાખ રૂપિયા (એક્સ-શોરૂમ) હોઈ શકે છે અને આ દિવાળીએ લોન્ચ કરી શકાય છે. આ ઉપરાંત, કાઇનેટિક ગ્રીન ટૂંક સમયમાં મિડ-સ્પીડ ઇલેક્ટ્રિક સ્કૂટર ઇઝુલુ પણ લોન્ચ કરશે અને આવતા વર્ષે હાઇ-પાવર સ્કૂટર લાવવાની પણ તૈયારી કરી રહ્યું છે.

કાઈનેટિક ઇ- સ્કૂટરનો નવો લૂક

AI આધારિત ડ્રાઇવિંગ સહાય, બ્લૂટૂથ, ડિજિટલ મીટર સહિતની અદ્યતન સુવિધાઓ મળશે

July 10, 2025 | 19:19 IST