નેપાળમાં હેલિકોપ્ટર ક્રેશ, 5 મુસાફરોના કરૂણ મોત

નેપાળના નુવાકોટમાં એક હેલિકોપ્ટર ક્રેશ થયું છે. જેમાં સવાર તમામ પાંચ મુસાફરોના મોત થયા છે. જણાવવામાં આવી રહ્યું છે કે રાસુવા જઈ રહેલા આ હેલિકોપ્ટરમાં માત્ર પાંચ લોકો સવાર હતા. આમાં ચાર ચીની નાગરિકો પણ સામેલ હતા.

તાજેતરમાં જ 24 જુલાઈએ નેપાળના ત્રિભુવન ઈન્ટરનેશનલ એરપોર્ટ પર આવું જ એક વિમાન ક્રેશ થયું હતું, જેમાં 18 લોકોના મોત થયા હતા. આ હેલિકોપ્ટર થોડા દિવસો બાદ ક્રેશ થયું હતું. આ બતાવે છે કે નેપાળમાં ખરાબ વ્યવસ્થાપનને કારણે પ્લેન ક્રેશ થવું સામાન્ય બની ગયું છે. ઘટનાસ્થળે રાહત અને બચાવ કાર્ય ચાલી રહ્યું છે. આ ઘટના આજે બની હોવાનું કહેવાય છે.

મળતી માહિતી મુજબ નેપાળના નુવાકોટના શિવપુરી વિસ્તારમાં આ હેલિકોપ્ટર ક્રેશ થયું છે. આમાં એર ડાયનેસ્ટીનું હેલિકોપ્ટર ક્રેશ થયું હતું. વિમાનમાં સવાર તમામ 5 લોકોના મોત થયા હતા. ત્રિભુવન ઈન્ટરનેશનલ એરપોર્ટ પરના એક સ્ત્રોતે હિમાલયન ટાઈમ્સને જણાવ્યું કે હેલિકોપ્ટર કાઠમંડુથી ઉડાન ભરીને સ્યાફ્રાઉબેન્સી જઈ રહ્યું હતું ત્યારે તે ક્રેશ થયું.