બિશ્નોઈ ગેંગનો નવો ટાર્ગેટ અભિનવ અરોરા!

સોશિયલ મીડિયા પર સતત વાયરલ થઈ રહેલા સોશિયલ મીડિયા ઇન્ફ્લુએન્સર અભિનવ અરોરાને લોરેન્સ બિશ્નોઈ ગેંગ દ્વારા જાનથી મારી નાખવાની ધમકી મળી છે. તેમની માતા દ્વારા આ દાવો કરવામાં આવ્યો છે. અભિનવ અરોરાની માતાએ જણાવ્યું કે લોરેન્સ બિશ્નોઈ ગેંગ તરફથી અભિનવ અરોરાને જાનથી મારી નાખવાની ધમકી મળી છે. તેની માતાનું કહેવું છે કે અભિનવે આવું કંઈ કર્યું નથી, જેના કારણે તેને ધમકીઓ મળી રહી છે.

અભિનવ અરોરાની માતા જ્યોતિ અરોરાએ કહ્યું કે, અભિનવે ભક્તિ સિવાય એવું કંઈ કર્યું નથી જેને તેણે આટલું સહન કરવું પડી રહ્યું છે. તેમણે કહ્યું, “સોશિયલ મીડિયા દ્વારા અમારી વાતને આગળ વધારવાના પ્રયાસ કરવામાં આવી રહ્યા છે. અભિનવે એવું કંઈ કર્યું નથી જેના કારણે અમને ધમકીઓ મળી રહી છે, ભક્તિ સિવાય અભિનવે એવું કંઈ કર્યું નથી જેના માટે તેમને આટલું બધું સહન કરવું પડે.”અભિનવ અરોરા તરફથી પોલીસ પાસે ફરિયાદ નોંધાવવામાં આવી કે '7 યુટ્યૂબર્સે મને ટ્રોલ કરતાં અપમાનજનક વીડિયો બનાવ્યા, જે બાદથી મને નફરતભર્યા કોલ અને મેસેજ આવવા લાગ્યા.' જેની પર પોલીસે આ સંબંધિત BNS ની કલમ 351(4) હેઠળ એફઆઈઆર નોંધીને તપાસ શરૂ કરી દીધી છે.

તેણે વધુમાં કહ્યું કે,  અમને લોરેન્સ બિશ્નોઈ ગેંગ તરફથી એક ફોન આવ્યો હતો, જેમાં અમને ધમકી આપવામાં આવી હતી કે અભિનવને મારી નાખવામાં આવશે. ગઈકાલે રાત્રે પણ એક કોલ આવ્યો હતો, જે અમે મિસ કર્યો હતો. આજે પણ અમને તે જ નંબર પરથી ફોન આવ્યો હતો અને એક મેસેજ પણ મોકલ્યો છે કે અભિનવને મારી નાખશે.” 

અભિનવના માતા જ્યોતિ અરોડા તરફથી આપવામાં આવેલી લેખિત ફરિયાદમાં કહેવામાં આવ્યું કે 'અભિનવ એક ઈન્ફ્લુએન્સર છે. તેના અલગ-અલગ સોશિયલ મીડિયા પ્લેટફોર્મ પર એકાઉન્ટ છે અને લાખો ફોલોઅર્સ છે. ઘણા વર્ષોથી તે ભગવાન શ્રીકૃષ્ણ અને શ્રીરામની ભક્તિનો પ્રચાર કરી રહ્યો છે પરંતુ અમુક દિવસોથી તેને ધમકીઓ આપવામાં આવી રહી છે. અભિનવ અરોડાને આ મહિનાની શરૂઆતમાં 7 યુટ્યૂબર્સે ટ્રોલ કર્યો હતો. આ વીડિયોમાં અભિનવને ટાર્ગેટ કરતાં અપમાનજનક સામગ્રી પીરસવામાં આવી. જેના કારણે અમને નફરતભર્યા કોલ અને મેસેજ મળવા લાગ્યા પરંતુ હદ ત્યારે થઈ જ્યારે અમને અલગ-અલગ નંબરોથી હત્યાની ધમકીઓ મળવા લાગી. હત્યાની ધમકી આપનારે પોતાને લોરેન્સ ગેંગના ગણાવ્યા.'

હાલ મથુરા પોલીસે આ મામલાને ગંભીરતાથી લેતાં ફરિયાદ નોંધી છે. એસપીનું કહેવું છે કે 'યુટ્યૂબર અભિનવ અરોરા તરફથી આપવામાં આવેલી માહિતીના આધારે કેસ નોંધીને તપાસ શરૂ કરી દેવાઈ છે. આગળ આ મામલે જે પણ તથ્ય સામે આવશે તેના આધારે કાર્યવાહી કરવામાં આવશે.'