રાજ્યમાં 46 જળાશયો સંપૂર્ણ છલકાતા હાઈ એલર્ટ પર

રાજ્યમાં વરસી રહેલા વરસાદના પરિણામે 46 જળાશયો સંપૂર્ણ છલકાતા હાઈ એલર્ટ જાહેર કરાયા છે. ગુજરાતની જીવાદોરી સમાન સરદાર સરોવર ડેમમાં 1,80,589 MCFT એટલે કે કુલ ક્ષમતાના 54.06 ટકા જળસંગ્રહ થયો છે. જ્યારે 206 જળાશયોમાં 2,40,661 MCFT એટલે કે કુલ ક્ષમતાના 42.96 ટકા જેટલો જળસંગ્રહ થયો છે.

જળ સંપત્તિ વિભાગના જણાવ્યા અનુસાર દમણગંગામાં 51,708 ક્યુસેક, ઉકાઈમાં 33,168 ક્યુસેક, હિરણ-2માં 15,789 ક્યુસેક પાણીની આવક નોંધાઈ છે. રાણા ખીરસરામાં 13,530 ક્યુસેક, ભાદર-2માં 13,172 ક્યુસેક, વેણુ-2માં 12,943 ક્યુસેક અને સરદાર સરોવરમાં 11,144 ક્યુસેક પાણીની આવક નોંધાઈ છે.

26 ડેમમાં 70  ટકાથી 100 ટકા ભરાતા એલર્ટ અપાયું છે. સરદાર સરોવર સહિત 26 ડેમ 50 થી 70 ટકા ભરાતા ચેતવણી આપવામાં આવી છે. જ્યારે 39 ડેમ 25 થી 50 ટકા ભરાયા છે.

સૌરાષ્ટ્રના 141 જળાશયોમાં 50.06 ટકા, કચ્છના 20 ડેમમાં 49.23 ટકા, દક્ષિણ ગુજરાતના 13 ડેમમાં 46.16 ટકા, મધ્ય ગુજરાતના 17 ડેમમાં 35.17 ટકા, ઉત્તર ગુજરાતના 15 જળાશયોમાં 26.59 ટકા પાણીનો સંગ્રહ થયો છે.