‘વેલકમ ટુ ધ જંગલ’નું નવું પોસ્ટર રિલીઝ

Welcome To The Jungle: બોલિવૂડના ‘ખિલાડી’ અક્ષય કુમાર ફરી એકવાર ચાહકોને હસાવવા માટે તૈયાર છે. તેની આગામી મલ્ટીસ્ટારર કોમેડી ફિલ્મ ‘વેલકમ ટુ ધ જંગલ’ (Welcome to the Jungle) ના લેટેસ્ટ પોસ્ટરે સોશિયલ મીડિયા પર ધૂમ મચાવી દીધી છે. લાંબા સમય પછી અક્ષય કુમાર પોતાના સિગ્નેચર કોમિક અને મનોરંજક અંદાજમાં પાછો ફરતો દેખાઈ રહ્યો છે, જેને જોઈને સિનેપ્રેમીઓમાં ભારે ઉત્સાહ જોવા મળી રહ્યો છે.

જંગલની વચ્ચે સ્ટાઇલિશ અંદાજ
અક્ષય કુમારે પોતાના સત્તાવાર ઇન્સ્ટાગ્રામ હેન્ડલ પર ફિલ્મનું નવું પોસ્ટર શેર કર્યું છે. આ પોસ્ટરમાં અક્ષય અત્યંત સ્ટાઇલિશ અને કમાન્ડિંગ લુકમાં જોવા મળી રહ્યો છે. ખાસ વાત એ છે કે, પોસ્ટરમાં અક્ષય જંગલની હરિયાળી વચ્ચે બિછાવેલી રેડ કાર્પેટ પર આત્મવિશ્વાસ સાથે ચાલતો નજરે પડે છે. આ લુક તેના પાત્રમાં રહેલા કોમિક એલિમેન્ટ અને રોયલ્ટીનું મિશ્રણ દર્શાવે છે. અક્ષયે કેપ્શનમાં લખ્યું, "આગામી ફિલ્મ: વેલકમ ટુ ધ જંગલ," જેની સાથે જ ઇન્ટરનેટ પર પ્રતિક્રિયાઓનો પૂર આવ્યો છે.

 

          View this post on Instagram                      

A post shared by Akshay Kumar (@akshaykumar)

 

30 થી વધુ કલાકારોનો વિશાળ કાફલો
‘વેલકમ ટુ ધ જંગલ’ એ માત્ર એક ફિલ્મ નથી, પરંતુ કલાકારોનો એક મોટો મેળો છે. અહમદ ખાન દ્વારા દિગ્દર્શિત આ કોમેડી-ડ્રામા ફિલ્મમાં 30 થી વધુ જાણીતા કલાકારો જોવા મળશે. અક્ષય કુમારની સાથે સુનીલ શેટ્ટી, પરેશ રાવલ અને અરશદ વારસીની જોડી ફરી એકવાર પડદા પર હાસ્ય પીરસશે. આ ઉપરાંત રવિના ટંડન, જેકી શ્રોફ, દિશા પટણી, જેકલીન ફર્નાન્ડીઝ જેવા સ્ટાર્સ અને રાજપાલ યાદવ તથા જોની લીવર જેવા દિગ્ગજ કોમેડિયન પણ મહત્વની ભૂમિકામાં જોવા મળશે.

રિલીઝ ડેટ અને ચાહકોનો ઉત્સાહ
આ ફિલ્મ 26 જૂન, 2026 ના રોજ સિનેમાઘરોમાં રિલીઝ થવાની ધારણા છે. અક્ષયનો ફર્સ્ટ લુક આવતાની સાથે જ સેલેબ્સ અને ચાહકોએ કોમેન્ટ્સનો મારો ચલાવ્યો છે. વિંદુ દારા સિંહે આ ફિલ્મને "ખૂબ જ મજેદાર,અનલિમિટેડ" ગણાવી છે, તો એક ચાહકે લખ્યું, "તમને તમારી પોતાની ફ્રેન્ચાઇઝીમાં પાછા જોવા માટે આતુરતાથી રાહ જોઈ રહ્યો છું." અન્ય એક યુઝરે અક્ષયના લુકને ‘ભૂલ ભુલૈયા’ પછીની સૌથી મોટી ‘જંગલ સફારી’ ગણાવી છે. એકંદરે, ‘વેલકમ’ ફ્રેન્ચાઇઝીના ચાહકો માટે આ ફિલ્મ એક મોટી ટ્રીટ સાબિત થવાની છે. અક્ષય કુમારનો આ નવો અવતાર બોક્સ ઓફિસ પર ફરી એકવાર કોમેડીનો સિક્કો જમાવશે તેવી પૂરેપૂરી શક્યતા છે. ચાહકો હવે ફિલ્મના ટ્રેલરની આતુરતાથી રાહ જોઈ રહ્યા છે.