વિદ્યુત જામવાલ બ્રજની વિશ્વ પ્રસિદ્ધ હોળીના રંગે રંગાયો

મથુરા : મહાકુંભમાં આસ્થાની ડુબકી લગાવ્યા બાદ બોલીવુડના સ્ટાર્સ હોળીના રંગમાં રંગાયેલા જોવા મળી રહ્યાં છે. વિદ્યુત જામવાલ મથુરાના શ્રી દ્વારકાધીશ મંદિરમાં હોળીની ઉજવણી કરતો જોવા મળ્યો હતો.

સોશિયલ મીડિયા સાઈટ ઈન્સ્ટાગ્રામ પર વિદ્યુતે બ્રજ કી હોલીની તસવીર શેર કરીને નગાડા વગાડતો વિડીયો શેર કર્યો હતો. ઉત્સવની ભાવનામાં ડૂબેલા  વિદ્યુતે ભગવાન શ્રીકૃષ્ણના જન્મસ્થળ મથુરાના સાંસ્કૃતિક સારને સ્વીકાર્યો હતો. 

વિદ્યુત સિવાય બોલીવુડ સિંગર બી. પ્રાકે પણ બ્રજના હોળી સેલિબ્રેશનનો વિડીયો શેર કર્યો હતો. બ્રજવાસીઓ સાથે બી. પ્રાક ગુલાલના રંગે રંગાઈને મજા માણી રહ્યો હતો.