વિકી-કેટરિનાએ ફેન્સ સાથે શેર કરી પ્રેગ્નન્સીની ખબર

બોલિવૂડની લોકપ્રિય અભિનેત્રી કેટરીના કૈફ ટૂંક સમયમાં માતા બનવા જઈ રહી છે. છેલ્લા કેટલાક મહિનાઓથી ચાલી રહેલી પ્રેગ્નન્સીની અફવાઓ પર પૂર્ણવિરામ મૂકીને કેટરીનાએ મંગળવારે પોતાના સોશિયલ મીડિયા પર એક બ્લેક એન્ડ વ્હાઈટ તસવીર પોસ્ટ કરીને ચાહકો સાથે આ ખુશખબર શેર કરી. આ તસવીરમાં તે અને તેના પતિ વિકી કૌશલ બેબી બમ્પને સાથે જોવા મળે છે. તસવીરની સાથે કેટરિનાએ લખ્યું, અમે અમારા જીવનનું સૌથી બેસ્ટ ચેપટર શરૂ કરવા જઈ રહ્યા છીએ, અમારા દિલ ખુશી અને આભારથી ભરેલા છે.

આ પણ વાંચો:  વિકી કૌશલે ‘મસાન’ ના 9 વર્ષની ઉજવણી કરી, નિર્દેશક નીરજ ઘાયવાનનો આભાર માન્યો

ચાહકો તરફથી આવ્યા અભિનંદન

આ ગર્ભાવસ્થાની જાહેરાત બાદ તરત જ બોલિવૂડ અને ચાહકો તરફથી અભિનંદનનો ધોધ વહેવા લાગ્યો. મીડિયા રિપોર્ટ્સ અનુસાર, કેટરિનાની ડિલિવરી ઓક્ટોબર-નવેમ્બર મહિનામાં થઈ શકે છે, જોકે, આ અંગે કપલ તરફથી કોઈ સત્તાવાર પુષ્ટિ કરવામાં આવી નથી. આ દંપતીના લગ્ન 9 ડિસેમ્બર 2021ના રોજ થયા હતા. તેમની લવ સ્ટોરીની વાત કરીએ તો, કરણ જોહરના શો 'કોફી વિથ કરણ'માં કેટરિનાએ જણાવ્યું હતું કે, તે વિકી કૌશલ સાથે કામ કરવા ઈચ્છે છે.

2019માં લગ્ન માટે કર્યું હતું પ્રપોઝ

આ વાત જ્યારે કરણે વિકીને જણાવી, ત્યારે તે આશ્ચર્યચકિત થઈ ગયો હતો. ત્યારબાદ 2019માં એક એવોર્ડ ફંક્શનમાં વિકીએ જાહેરમાં કેટરિનાને લગ્ન માટે પ્રપોઝ કર્યું હતું, જેના પછી બન્નેના સંબંધોની અફવાઓ વધુ વેગ પકડવા લાગી. આ પ્રેગ્નન્સીની જાહેરાત પછી તેમના ચાહકોમાં ભારે ઉત્સાહ જોવા મળી રહ્યો છે. વર્ક ફ્રન્ટની વાત કરીએ તો, વિકી છેલ્લે ફિલ્મ 'છાવા'માં જોવા મળ્યો હતો, જ્યારે કેટરિના છેલ્લે વિજય સેતુપતિ સાથે ફિલ્મ 'મેરી ક્રિસમસ'માં જોવા મળી હતી.