વડોદરાના ગરબા સંચાલકે ખેલૈયાઓ માટે લીધો રૂપીયા ૩૦ કરોડનો વીમો

વડોદરા સ્થિત છ જેટલા ગરબા સંચાલકોએ ખેલૈયા અને ગરબાની સુરક્ષા માટે ઓક્ટોમ્બર ૩ થી ૧૨ સુધીનો રૂપીયા ૩૦ કરોડનો વીમો ઉતરાવ્યો છે, અંદાજે ૩ લાખ ખેલૈયાઓ માટે આ વીમો લેવામાં આવ્યો છે.    વડદોરાના યુનાઇટેડ વે ગરબા ખૂબ જ પ્રચલિત છે અને તે ખૂબ જ શિસ્ત સાથે રમતા હોય છે. આ વરસે લગભગ ૩ લાખ જેટલા ખેલૈયા, છ જેટલા ગરબા સ્થળમા ગરબે ઘૂમે તેવી સંભાવના છે. આ વખતે લેવાયેલો રૂપીયા ૩૦.૧૮ કરોડના કુલ વીમાની રકમ ગત વર્ષના વીમાની રકમ કરતા સાત કરોડ વધુ છે.   પ્રાપ્ત માહિતી પ્રમાણે યુનાઇટેડ વે ગરબાએ રૂપીયા ૧૪ કરોડનો વીમો, વડોદરા નવરાત્રી ફેસ્ટિવલે રૂપીયા ૫.૬૮ કરોડ, વડોદરા વાયબ્રન્ટ નવરાત્રીએ રૂપીયા ૪ કરોડનો, શ્રી સમસ્ત પાટીદાર સમાજે રૂપિયા દોઢ કરોડનો, શ્રી નવશક્તિ ગરબાએ રૂપિયા બે કરોડનો અને કારેલી બાગ સ્પોર્ટસ ગરબાએ રૂપીયા ૩ કરોડનો વીમો ઉતરાવ્યો છે.   વડોદરા નવરાત્રી ફેસ્ટિવલે અને ક્રેડાઇએ એક નવુ સોપાન ઉમેર્યુ છે, તેમણે નવલખી તળાવ આસપાસ ૨૪ જેટલા પરકોલેશન કુવા બનાવ્યાં છે, જેથી પાણીનો ભરાવો ટાળી શકાય. તેનાથી ગરબાના સ્થળે પાણી ભરાશે નહીં અને ભૂગર્ભ જળ સ્તર ઊંચા લાવવામાં મદદરૂપ થશે.