ફિલ્મ ‘લાલો: શ્રી કૃષ્ણ સદા સહાયતે’એ રચ્યો ઇતિહાસ

ગુજરાતી સિનેમાના ઇતિહાસમાં એક નવો અધ્યાય લખાયો છે! માત્ર ₹૧.૫ કરોડના બજેટમાં બનેલી ફિલ્મ ‘લાલો: શ્રી કૃષ્ણ સદા સહાયતે’એ ૩૦ દિવસમાં ₹૨૧ કરોડનું ગ્રોસ કલેક્શન કરી બ્લોકબસ્ટર સાબિત થઈ છે. ૧૦ ઓક્ટોબરે રિલીઝ થયેલી આ ફિલ્મે પહેલા દિવસે માત્ર ₹૫ લાખની કમાણી કરી હતી, પરંતુ વર્ડ ઓફ માઉથના જોરે ચોથા અઠવાડિયામાં તો એક જ દિવસે ₹૩ કરોડનો આંકડો પાર કર્યો હતો.

જૂનાગઢની પૃષ્ઠભૂમિ પર બનેલી આ ફિલ્મની વાર્તા એક રિક્ષા ચાલક યુવાન (લાલો)ની છે, જે ખરાબ સંગત અને દારૂના રવાડે ચઢી જાય છે. તેના જીવનમાં ભગવાન શ્રીકૃષ્ણનું આગમન થાય છે અને તેને સાચા માર્ગે લાવે છે. ફિલ્મના ડાયલોગ્સ “હું તો રસ્તો બતાવીશ, કર્મ તો તારે જ કરવાના” અને “ભૂલ અને ભગવાન તમે માનો તો જ દેખાય” સોશિયલ મીડિયા પર વાયરલ થયા છે.

સોશિયલ મીડિયા પર તહલકો - X (ટ્વિટર) પર #Laalo અને #KrishnaSadaSahaayate ટ્રેન્ડિંગમાં રહ્યા છે. દર્શકો થિયેટરમાંથી રડતા-રડતા બહાર આવતા હોવાના વીડિયો ઝડપથી વાયરલ થઈ રહ્યા છે. આ ફિલ્મને હાઉસફુલ કરી રહ્યો છે.

બોક્સ ઓફિસ બ્રેકડાઉન (ભારત નેટ):

• વીક-૧: ₹૦.૪૦ કરોડ
• વીક-૨: ₹૦.૩૦ કરોડ
• વીક-૩: ₹૦.૭૫ કરોડ
• વીક-૪: ₹૮.૫૦ કરોડ (ચોથો શુક્રવાર ₹૨.૭૫ કરોડ, બુધવાર ₹૩ કરોડ)
• વીક-૫ (ચાલુ): ₹૩.૫૦ કરોડ+ કુલ ભારત નેટ: ₹૧૬.૪૫ કરોડ | વર્લ્ડવાઇડ ગ્રોસ: ₹૨૧ કરોડ+

આ ફિલ્મે ‘ચણિયા ટોળી’ ’ જેવી મોટી હિટ્સને પણ પછાડી દીધી છે. ખાસ વાત એ છે કે ફિલ્મમાં તમામ યુવા કલાકારો છે અને કોઈ મોટું સ્ટાર નામ નથી, તેમ છતાં તે ગુજરાતી સિનેમાની સૌથી મોટી સફળતા બની છે.

 

“આ ફિલ્મ કોઈ વિવાદ વગર, શુદ્ધ ભાવના અને સારા સંદેશથી ચાલી છે. લાલો દર્શકોના હૃદયમાં વસી ગયો છે.”

હજુ પણ ગુજરાતના ૧૫૦+ થિયેટરોમાં હાઉસફુલ શો ચાલી રહ્યા છે. જો તમે હજુ નથી જોઈ, તો આ અઠવાડિયે જ થિયેટરમાં જઈને ‘લાલો’નો જાદુ અનુભવો!

લાલો’નો જાદુ જુઓ આ રીલ્સમાં