આયુષ્માન ખુરાનાની પત્નીને ફરી થયું બ્રેસ્ટ કેન્સર

અભિનેતા આયુષ્માન ખુરાનાની પત્ની અને ફિલ્મ નિર્માતા-લેખિકા તાહિરા કશ્યપને સાત વર્ષ઼ બાદ ફરીથી સ્તન કેન્સર હોવાનું નિદાન થયું છે. તેમણે પોતે આ સમાચારની પુષ્ટિ કરી છે. વિશ્વ આરોગ્ય દિવસ નિમિત્તે શેર કરેલી પોસ્ટમાં, તેમણે તેને પોતાનો બીજો રાઉન્ડ ગણાવ્યો.

તાહિરાએ પોતાના ઇન્સ્ટાગ્રામ હેન્ડલ પર પોસ્ટ શેર કરતાં પોસ્ટમાં લખ્યું, "સાત વર્ષના ઇરિટેશન અને અગવડતા , નિયમિત ચેકઅપ પછી, તે ફરીથી દેખાયું છે. હું અન્ય લોકોને નિયમિત મેમોગ્રામ (પરીક્ષણો) કરાવવાની સલાહ આપું છું. મારો રાઉન્ડ-2 શરૂ થઈ ગયો છે."

કેપ્શનમાં તેમણે લખ્યું, "જ્યારે જીવન તમને લીંબુ આપે, ત્યારે લીંબુ શરબત બનાવો અને જ્યારે જીવન ફરીથી તમારા પર લીંબુ ફેંકે, ત્યારે તેને તમારા કાળા-ખાટા પીણામાં હળવેથી નિચોવી લો અને સારી લાગણીઓ સાથે તેનો આનંદ માણો. કારણ કે પ્રથમ તો તે પીણું વધુ સારું છે અને બીજું, તમે જાણો છો કે તમે ફરીથી તેનો સામનો સંપૂર્ણ તાકાત સાથે કરશો."

તાહિરાએ આગળ લખ્યું, "વિડંબના એ છે કે, આજે વિશ્વ આરોગ્ય દિવસ છે, ચાલો આપણે આપણી ક્ષમતા મુજબ પોતાની સંભાળ રાખવા માટે જે કંઈ કરી શકીએ તે કરીએ. તાહિરાએ પોતાની પોસ્ટ સાથે વન મોર ટાઈમ પણ લખ્યું." તમને જણાવી દઈએ કે, 2018 ની શરૂઆતમાં, તાહિરાને કેન્સર હોવાનું નિદાન થયું હતું. તેણીએ બહાદુરીથી તેનો સામનો કર્યો અને ઘણીવાર લોકોને પ્રોત્સાહિત કરતી જોવા મળે છે.

અગાઉ, વિશ્વ કેન્સર દિવસ નિમિત્તે, તાહિરાએ પ્રધાનમંત્રી જન આરોગ્ય યોજના (PM-JAY) વિશે વાત કરી હતી અને ગરીબ પૃષ્ઠભૂમિમાંથી આવતા લોકો માટે આ યોજનાને મહત્વપૂર્ણ ગણાવી હતી. પ્રધાનમંત્રી જન આરોગ્ય યોજનાની પ્રશંસા કરતા તાહિરા કશ્યપે કહ્યું હતું કે, "વિશ્વ કેન્સર દિવસ પર, હું આયુષ્માન ભારત અને પીએમ-જેએવાય યોજનાઓની પ્રશંસા કરું છું. ગરીબ પરિવારોમાંથી આવતા લોકોની સારવારમાં તે મહત્વપૂર્ણ ભૂમિકા ભજવે છે. કેન્સરની સારવાર એ એક પ્રક્રિયા છે જે તમારી પ્રામાણિકતા, શક્તિ અને ધીરજની કસોટી કરે છે. કેન્સરની જાણ થતાં જ, તેની સારવાર દર્દીઓ માટે એકમાત્ર સહારો છે."

--આઈએએનએસ