સુનિલ ગ્રોવરનો 'ગુલઝાર' અંદાજ, દર્શકો મંત્રમુગ્ધ!

હંમેશા લોકોને હસાવતો અને પોતાની મિમિક્રીની અંદરથી લોકોને ચમકાવતો સુનિલ ગ્રોવર ફરી એકવાર ધ ગ્રેટ ઈન્ડિયન કપિલ શોમાં પોતાના અભૂતપૂર્વ ટેલેન્ટ સાથે છવાઈ ગયો. આ વખતે તેમણે ભારતીય ફિલ્મ જગતના વિખ્યાત કવિ અને નિર્દેશક ગુલઝાર સાહેબ તરીકે મંચ પર પ્રવેશ કર્યો અને આખા સ્ટુડિયોમાં દરેકને મંત્રમુગ્ધ કરી દીધા.

સુનિલ ગ્રોવરે પોતાનું મેકઓવર એવી રીતે કરીને આવ્યા હતા કે, લોકોએ એમ કહી દીધું કે "અરે, એ તો સાચા ગુલઝાર સાહેબ લાગે છે!" તેમને ગુલઝાર જેવા કપડા પહેરીને એન્ટ્રી કરી હતી અને અદભૂત રીતે કાવ્ય પઠન કર્યું હતું. આ દરમિયાન સ્ટુડિયોમાં બેઠેલા મહેમાન, સંગીતકાર વિશાલ દાદલાની અને ગાયિકા નીતિ મોહન એટલા અચંબામાં પડી ગયા કે વિશાલે હાથ માથે રાખી દીધો અને નીતિ ફક્ત "Wow" કહી શક્યા એવું જ લાગ્યું.

સુનિલ ગ્રોવરે ખુદ ગુલઝારના અંદાજમાં રહીને હાસ્ય અને કવિતાનું ભવ્ય મિશ્રણ રજૂ કરે છે. એક પણ વખત પાત્રમાંથી બહાર આવ્યા વગર પન્ચલાઈન આપવાનું તેમનું ટેલેન્ટ જોઈને સૌએ પ્રશંસા કરી.

આ શ્રેષ્ઠ પર્ફોર્મન્સના વીડિયો અને ક્લિપ્સ થોડા જ સમયમાં સોશિયલ મીડિયા પર વાયરલ થઈ ગયા. ફેન્સે જણાવ્યું કે, "એ હસાવે છે પણ ખુદ હસાવવાનો પ્રયાસ કર્યા વિના!"

સુનિલ ગ્રોવર છેલ્લા એક દાયકાથી કપિલ શર્માના શોમાં રોમેન્ટિક કેરેક્ટર કોમેડી, સ્ટેન્ડઅપ કોમેડી અને મિમિક્રી દ્વારા દર્શકોનું મનોરંજન કરતા આવ્યા છે. ટીવી ઉપરાંત તેમણે ફિલ્મો જેવી કે જવાન, ગજની, તથા વેબ સીરીઝ જેમ કે તાંડવ અને સનફ્લાવરમાં પણ પોતાની વૈવિધ્યતા દાખવી છે.

ગુલઝારના પાત્રમાં સુનિલ ગ્રોવરના પ્રવેશે સાબિત કર્યું કે, તેઓ આજે પણ ભારતમાં સૌથી વર્સેટાઈલ કોમેડી પર્ફોર્મર તરીકે જાણીતા છે.