સામંથા રૂથ પ્રભુ અને રાજ નિદિમોરુના સંબંધની ચર્ચા

અભિનેત્રી સામંથા રૂથ પ્રભુ અને ફિલ્મ નિર્માતા રાજ નિદિમોરુ વચ્ચેના સંબંધોની ચર્ચા ફરી એકવાર ગરમાઈ છે. લાંબા સમયથી તેમની નજીકની મિત્રતા અને સાથે દેખાવને કારણે ચાહકોમાં અફવાઓ ચાલી રહી છે. હવે સામંથાની તાજેતરની ઇન્સ્ટાગ્રામ પોસ્ટ પછી આ ચર્ચાઓને વધુ બળ મળ્યું છે.

સામંથાએ તેના પરફ્યુમ બ્રાન્ડ ‘સિક્રેટ અલ્કેમિસ્ટ’ ના લોન્ચ ઇવેન્ટમાં રાજ નિદિમોરુ સાથેના ફોટા શેર કર્યા હતા, જેમાં બંને ગળે મળતા જોવા મળ્યા હતા. ઇવેન્ટમાં તમન્ના ભાટિયા સહિત અનેક સેલિબ્રિટીઓ હાજર રહી હતી. પોસ્ટ શેર થતાં જ સોશિયલ મીડિયા પર ચાહકો વચ્ચે તેમની જોડીને લઈને ચર્ચાઓ ઉઠી છે.

 

પોસ્ટમાં સામંથાએ લખ્યું હતું કે છેલ્લા દોઢ વર્ષમાં તેણે કારકિર્દીમાં અનેક પરિવર્તનો કર્યા છે અને જીવનમાં નવી શરૂઆત કરી છે. તેણીએ આ સફળતાને પોતાના નજીકના મિત્રો અને પરિવાર સાથે ઉજવી હતી.

સામંથા અને રાજ નિદિમોરુએ અગાઉ ‘ધ ફેમિલી મેન 2’ અને ‘સિટાડેલ: હની બની’ જેવી વેબ સિરીઝમાં સાથે કામ કર્યું હતું. તેઓ અનેક વખત સાથે વેકેશન પર પણ જોવા મળ્યા છે. હાલ બંને ‘રક્ત બ્રહ્માંડ : ધ બ્લડી કિંગડમ’ નામની મોટી વેબ સિરીઝ પર કામ કરી રહ્યા છે, જેમાં આદિત્ય રોય કપૂર, અલી ફઝલ, વામિકા ગબ્બી અને જયદીપ અહલાવત પણ મહત્વની ભૂમિકામાં છે. આ સીરીઝ  2026માં રિલીઝ થવાનો અંદાજ છે.