સલમાન અને રશ્મિકા આ ફિલ્મથી આપશે ફેન્સને સરપ્રાઇઝ

બોલિવૂડ અભિનેતા સલમાન ખાનના ચાહકો તેમની ફિલ્મ 'સિકંદર' ની આતુરતાથી રાહ જોઈ રહ્યા છે. આજે, એટલે કે ૧૮ ફેબ્રુઆરીએ ફિલ્મના નિર્માતા સાજિદ નડિયાદવાલાનો જન્મદિવસ પણ છે. સલમાનના જન્મદિવસ પર ચાહકોને તેની ફિલ્મ અંગે કંઈક સરપ્રાઈઝ મળવાનું છે.સલમાન ખાને સોશિયલ મીડિયા પર સાજિદ નડિયાદવાલા સાથેની એક તસવીર શેર કરી અને કહ્યું કે સલમાનની ફિલ્મનો નવો લુક, મોશન પોસ્ટર અથવા ટ્રેલર આજે બપોરે 3:33 વાગ્યે રિલીઝ થઈ શકે છે. આ સમાચાર સાંભળ્યા પછી, સલમાનના ચાહકો ખૂબ જ ઉત્સાહિત દેખાઈ રહ્યા છે.

ફિલ્મના ટીઝર દ્વારા સલમાન ગેંગસ્ટર લોરેન્સ બિશ્નોઈને સીધી ચેતવણી આપી રહ્યો છે. હકીકતમાં, લોરેન્સ બિશ્નોઈએ કાળા હરણ કેસમાં સુપરસ્ટાર સલમાન ખાનને વારંવાર ધમકી આપી છે. તેને મારવાનું કાવતરું પણ ઘડવામાં આવ્યું હતું, પરંતુ સલમાને ક્યારેય લોરેન્સને જવાબ આપ્યો નહીં.

આ દિવસે ફિલ્મ રિલીઝ થશે
સિકંદરનું દિગ્દર્શન એ.આર. મુરુગાદોસેએ કર્યું છે. આ ફિલ્મમાં વિલનની ભૂમિકા બાહુબલી ફેમ અભિનેતા સત્યરાજે ભજવી છે. સલમાન સાથે રશ્મિકાની આ પહેલી ફિલ્મ છે. આ ફિલ્મ 2025માં ઈદના અવસર પર સિનેમાઘરોમાં રિલીઝ થવા જઈ રહી છે. સિકંદરને મોટી શરૂઆત મળવાની અપેક્ષા છે અને તે રિલીઝ થયા પછી કેટલાક મોટા રેકોર્ડ બનાવી શકે છે. ચાહકો પણ ફિલ્મના ટ્રેલરની આતુરતાથી રાહ જોઈ રહ્યા છે.

સિકંદરની સ્ટાર કાસ્ટ
"અહેવાલ મુજબ, સલમાન ખાન સિકંદરમાં ડબલ રોલ ભજવવા માટે તૈયાર છે". એઆર મુરુગાદોસ દ્વારા દિગ્દર્શિત અને સાજિદ નડિયાદવાલા દ્વારા નડિયાદવાલા ગ્રાન્ડસન એન્ટરટેઈનમેન્ટ હેઠળ નિર્મિત, સિકંદરમાં સત્યરાજ, પ્રતીક બબ્બર, કાજલ અગ્રવાલ અને શરમન જોશી સહિતની દિગ્ગજ કલાકારો છે. ફિલ્મની મુખ્ય અભિનેત્રી રશ્મિકા મંદાન્ના છે.