Saif Ali Khan ને હોસ્પિટલમાંથી ડિસ્ચાર્જ કરાયો, પોલીસે અભિનેતાના ઘરે સુરક્ષા વધારી

સૈફ અલી ખાન (Saif Ali Khan)ને મંગળવારે 21 જાન્યુઆરીએ હોસ્પિટલમાંથી રજા આપવામાં આવી છે. લીલાવતી હોસ્પિટલના ડૉક્ટર નીતિન ડાંગે સવારે જ આ માહિતી આપી છે. ડિસ્ચાર્જ માટેના કાગળો ગઈકાલે હોસ્પિટલમાં સબમિટ કરવામાં આવ્યા હતા. સૈફ અલી ખાન (Saif Ali Khan)ને હોસ્પિટલમાંથી લેવા પત્ની કરીના કપૂર અને પુત્રી સારા અલી ખાન પહોંચ્યા હતા. ગુરુવારે સૈફ પર બાંદ્રામાં તેના ઘરમાંથી ચોરી કરવાના પ્રયાસ દરમિયાન એક ઘુસણખોરે છ વાર છરી વડે હુમલો કર્યો હતો. હુમલા પછી, તેને લગભગ 2:30 વાગ્યે ઓટો રિક્ષા દ્વારા લીલાવતી હોસ્પિટલમાં લઈ જવામાં આવ્યો, જ્યાં તેની બે સર્જરી કરવામાં આવી.

સૈફ અલી ખાન હોસ્પિટલમાંથી ડિસ્ચાર્જ કરાયા...

હુમલા બાદ સૈફ અલી ખાન (Saif Ali Khan) હવે ઘરે આરામ કરશે. મંગળવારે લીલાવતીના ડૉક્ટરોએ કહ્યું હતું કે, સૈફને સાજા થવામાં હજુ થોડો સમય લાગશે. ડૉક્ટરોની ટીમે સૈફના પરિવારને તેને ઘરે લઈ જવાની પરવાનગી આપી દીધી હતી, પરંતુ તેને ક્યારે ઘરે લઈ જવો તે હજુ સુધી જણાવ્યું નથી. 16 જાન્યુઆરીએ સૈફ પર તેના જ ઘરમાં હુમલો થયો હતો, જેમાં તે ખરાબ રીતે ઘાયલ થયો હતો.

સૈફ અલી ખાનને ડોક્ટરોએ આ સલાહ આપી હતી...

જ્યાં સુધી બોલિવૂડ એક્ટર સૈફ અલી ખાન (Saif Ali Khan) સંપૂર્ણ સ્વસ્થ ન થાય ત્યાં સુધી ડોક્ટરે તેને વજન ઉતારવા, જીમમાં જવા અને શૂટિંગ કરવાની મનાઈ કરી છે અને આરામ કરવાની સલાહ આપી છે. સૈફ અલી ખાન (Saif Ali Khan) પરના હુમલાના મુખ્ય શકમંદ મોહમ્મદ શરીફુલ ઈસ્લામ ઉર્ફે શેહઝાદની મુંબઈ પોલીસે ધરપકડ કરી છે, જે 19 જાન્યુઆરીએ થાણેથી પકડાયો હતો. ત્યારથી પોલીસ તેને રિમાન્ડ પર લઈ પૂછપરછ કરી રહી છે.

પોલીસ તપાસમાં લાગી છે...

સૈફ અલી ખાન (Saif Ali Khan) હુમલાના આરોપીને બાંદ્રા કોર્ટમાં લાવીને રજૂ કરવામાં આવ્યો હતો. આરોપીને 5 દિવસની પોલીસ કસ્ટડીમાં મોકલવામાં આવ્યો હતો. પોલીસ વહેલી તકે મામલાના તળિયે પહોંચવાનો પ્રયાસ કરી રહી છે. આ સંબંધમાં મુંબઈ પોલીસની ક્રાઈમ બ્રાન્ચ તપાસ માટે અનેક ટીમો બનાવી રહી છે.