પુષ્પાએ કહ્યું..સોરી...

હૈદરાબાદ સ્થિત સંધ્યા થિયેટર નાસભાગ કેસમાં આજે જેલમાંથી મુક્ત થયા બાદ અલ્લુ અર્જુને મીડિયાને સંબોધન કર્યું હતું. વાતચીત દરમિયાન, 'પુષ્પા' અભિનેતાએ થિયેટરમાં નાસભાગને દુર્ભાગ્યપૂર્ણ ગણાવી અને કહ્યું કે તેઓ તેમના દુઃખની ઘડીમાં શોકગ્રસ્ત પરિવારની સાથે છે. આ સાથે અભિનેતાએ માફી પણ માંગી હતી.

જેલમાંથી છૂટેલા અલ્લુ અર્જુને નાસભાગના મામલામાં ખુલાસો કર્યો અને કાયદાને સમર્થન આપવાની વાત પણ કરી, પુષ્પા અભિનેતાએ કહ્યું, “તમારા સહકાર બદલ આપ સૌનો આભાર, હું બિલકુલ ઠીક છું. હૈદરાબાદમાં બનેલી ઘટના ખૂબ જ દુર્ભાગ્યપૂર્ણ હતી અને હું આ સમગ્ર મામલે કાયદાને સહકાર આપવા તૈયાર છું, હું કાયદાનું સન્માન કરું છું. “આ દુ:ખદ ઘટનાને લઈને શોકગ્રસ્ત પરિવાર પ્રત્યે મારી દિલથી સંવેદના. તે ખૂબ જ દુખદ છે કે પરિવાર ફિલ્મ જોવા આવ્યો હતો અને તેમની સાથે આવું થયું. જે પણ થયું તેના માટે હું માફી માંગુ છું પરંતુ તે બધું મારા નિયંત્રણ બહાર હતું. હું ઘણા વર્ષોથી થિયેટરમાં જઉં છું, પરંતુ આવું ક્યારેય બન્યું નથી. ફરી એકવાર શોકગ્રસ્ત પરિવાર પ્રત્યે મારી સંવેદના. હું બને ત્યાં સુધી પરિવારને સપોર્ટ કરીશ.”

 

સંધ્યા થિયેટર સ્ટેમ્પેડ કેસમાં મહિલાના મૃત્યુના સંબંધમાં લોકપ્રિય ટોલીવુડ અભિનેતા અલ્લુ અર્જુનને શનિવારે સવારે ચંચલગુડા સેન્ટ્રલ જેલમાંથી મુક્ત કરવામાં આવ્યા હતા. અભિનેતાને શુક્રવારે સાંજે તેલંગાણા હાઈકોર્ટ દ્વારા વચગાળાના જામીન આપવામાં આવ્યા હતા, જ્યારે નીચલી અદાલતે તેને 14 દિવસની ન્યાયિક કસ્ટડીમાં મોકલી દીધો હતો. જેલ સત્તાવાળાઓ દ્વારા જામીન મેળવવામાં વિલંબને કારણે તેમને જેલમાં જ રાત વિતાવવી પડી હતી. જેલ સત્તાધીશોએ રાષ્ટ્રીય પુરસ્કાર વિજેતા અભિનેતાને જેલના પાછળના દરવાજેથી મુક્ત કર્યા હતો. તેમને એસ્કોર્ટ વાહનમાં મોકલવામાં આવ્યા હતા. અભિનેતા સીધો ગીતા આર્ટસની ઓફિસે પહોંચ્યા હતા.

 

શુક્રવારે રાત્રે તેમની મુક્તિને લઈને સસ્પેન્સ હતું. જેલ સત્તાવાળાઓએ જણાવ્યું હતું કે તેમને જામીનનો આદેશ મોડી રાત્રે મળ્યો હતો અને જેલ મેન્યુઅલ મુજબ કેદીઓને રાત્રે મુક્ત કરી શકાતા નથી, અભિનેતાને બીજા દિવસે સવારે મુક્ત કરવામાં આવશે. અલ્લુ અર્જુન, જેને શુક્રવારે રિમાન્ડ પર લેવામાં આવ્યા હતા, તેમણે નામપલ્લી કોર્ટ દ્વારા આપવામાં આવેલ વિશેષ દરજ્જા હેઠળ મંજીરા બ્લોકમાં રાત વિતાવી હતી.

—IANS