ધુરંધરના'શરારત ગીત પર જોનાસ બ્રધર્સએ ધમાલ મચાવી

ધુરંધર'નો ક્રેઝ હજુ ઠંડો પડ્યો નથી. રિલીઝના 15 દિવસ પછી પણ ફિલ્મના ગીતો અને ડાયલોગ્સ સોશિયલ મીડિયા પર છવાયેલા છે. હવે આ ક્રેઝ બોર્ડર પાર કરીને હોલીવુડ સુધી પહોંચી ગયો છે – પ્રિયંકા ચોપરાના પતિ અને પોપ સ્ટાર નિક જોનાસ પણ 'ધુરંધર'ના ફેન બની ગયા છે. નિકે પોતાના ભાઈઓ કેવિન અને જો જોનાસ સાથે ફિલ્મના હિટ ડાન્સ નંબર 'શરારત' પર ડાન્સ કરતો એક મજેદાર વીડિયો શેર કર્યો છે.

નિકે શુક્રવારે  ઇન્સ્ટાગ્રામ પર આ નાનકડો ક્લિપ પોસ્ટ કર્યો, જેમાં તે ગીત પર જોરશોરથી ઠુમકા લગાવતો દેખાય છે. બેકગ્રાઉન્ડમાં તેના ભાઈઓ પણ મસ્તીમાં જોડાઈને વાઇબ કરી રહ્યા છે. કેપ્શનમાં નિકે લખ્યું – "New pre-show hype song unlocked." એટલે કે આ ગીત હવે તેના દરેક શો પહેલાંનું હાઇપ સોંગ બની ગયું છે.

વીડિયો પોસ્ટ થતાં જ વાયરલ થઈ ગયો. ફેન્સ નિકને ફરીથી 'નેશનલ જીજુ' કહીને ટ્રોલ અને પ્યાર બંને વરસાવી રહ્યા છે. કોમેન્ટ્સમાં એક યુઝરે લખ્યું – "નેશનલ જીજુ ફોર અ રીઝન!", બીજાએ કહ્યું – "મસ્તીખોર જીજુ પોતાનો ટાઇમ એન્જોય કરી રહ્યા છે." એકે મજાકમાં પૂછ્યું – "તમારી પાસે આધાર કાર્ડ છે?" જ્યારે અનેકે લખ્યું – "અમારો જીજુ કેવો હોય, નિક જીજુ જેવો હોય!

સેલેબ્સના રિએક્શન્સ

• રણવીર સિંહ-નિકની પોસ્ટ પર કોમેન્ટ કર્યું – "Hahahahahaah JIJUUUU JAAANE DEEEEEE." નિકે તેનો જવાબ આપતાં લખ્યું – "Bhai! Dhurandhar title track is up next! Love to you and the family! Let's go!"

• ફિલ્મના ડિરેક્ટર આદિત્ય ધર કોમેન્ટ કરી – "Okay… this just made my day."

• ગીતની સિંગર જાસ્મિન સેન્ડલસપણ પ્યારભર્યું રિએક્શન આપ્યું.

આ પહેલી વાર નથી કે નિકે બોલિવુડ ગીતો પર પ્યાર વરસાવ્યો હોય. તાજેતરમાં જ તેણે ઋતિક રોશન અને કિયારા અડવાણીની ફિલ્મ 'વોર 2'ના ગીત 'આવન જાવન' પર ડાન્સ વીડિયો શેર કર્યો હતો અને કહ્યું હતું કે આ તેનું પ્રી-શો ફેવરિટ છે.

'શરારત' ગીતની વિગતો

'ધુરંધર'નું આ એનર્જેટિક ડાન્સ નંબર મધુબંતી બાગચી અને જાસ્મિન સેન્ડલસ ગાયું છે. મ્યુઝિક શાશ્વત સચદેવનું છે, જ્યારે ફિલ્મમાં આ પર આયેશા ખાન અને ક્રિસ્ટલ ડિસોઝાએ હોટ પર્ફોર્મન્સ આપી છે. ગીત રિલીઝ થયું ત્યારથી જ વાયરલ છે.

'ધુરંધર'નું બોક્સ ઓફિસ જલવો

આદિત્ય ધરના ડિરેક્શનમાં બનેલી આ સ્પાય થ્રિલર 5 ડિસેમ્બર 2025ના રોજ રિલીઝ થઈ હતી. ફિલ્મમાં રણવીર સિંહ ઉપરાંત અક્ષય ખન્ના, સંજય દત્ત, અર્જુન રામપાલ, આર. માધવન અને સારા અર્જુન લીડ રોલમાં છે. 14 દિવસમાં ફિલ્મે ભારતમાં ₹460 કરોડ+ અને વર્લ્ડવાઇડ ₹700 કરોડ+નું કલેક્શન કરી લીધું છે. આ 2025ની ટોચની ગ્રોસર્સમાં સામેલ છે અને સિક્વલ 'ધુરંધર 2' 19 માર્ચ 2026ના રોજ રિલીઝ થશે.

નિકનો આ વીડિયો બોલિવુડની ગ્લોબલ રીચનો પુરાવો છે – ફેન્સ કહી રહ્યા છે કે હવે જોનાસ બ્રધર્સનો ઇન્ડિયા ટૂર કરાવો!