પ્રભાસ બનશે Hyderabad નો જમાઈ, ઉદ્યોગપતિની પુત્રી સાથે કરશે લગ્ન...!

સાઉથના સુપરસ્ટાર પ્રભાસ 45 વર્ષની ઉંમરે હજુ પણ અવિવાહિત છે. આ અભિનેતા લાંબા સમયથી પોતાની ફિલ્મોમાં વ્યસ્ત રહ્યો છે, અને આ દરમિયાન તેનું નામ ઘણી અભિનેત્રીઓ સાથે જોડાયું છે. ચાહકો વારંવાર તેના લગ્ન વિશે પ્રશ્નો ઉઠાવે છે, અને હવે એવું લાગે છે કે તે લગ્ન માટે તૈયાર છે.

પ્રભાસ ટૂંક સમયમાં લગ્ન કરી શકે?

એક મીડિયા રિપોર્ટ સામે આવ્યો છે, જેમાં દાવો કરવામાં આવ્યો છે કે પ્રભાસના પરિવારજનોએ હવે તેના લગ્ન માટે અંતિમ નિર્ણય લઈ લીધો છે. મીડિયા અનુસાર, પ્રભાસનો પરિવાર તેના લગ્ન શક્ય તેટલા વહેલા કરાવવા માટે આતુર છે. તેઓ છેલ્લા કેટલાય સમયથી યોગ્ય જીવનસાથી શોધી રહ્યા હતા, અને હવે તેમને એક છોકરી મળી ગઈ છે.

આ છોકરી કોણ છે?

આ રિપોર્ટ મુજબ, પ્રભાસના માતા-પિતાએ હૈદરાબાદના એક ઉદ્યોગપતિની પુત્રી સાથે તેના લગ્ન નક્કી કર્યા છે, અને હવે લગ્નની તૈયારી શરૂ થઈ ગઈ છે. જો કે, આ છોકરી વિશે કોઈ માહિતી જાહેર કરવામાં આવી નથી, અને હજુ સુધી આ સમાચાર પર પ્રભાસ અથવા તેના પરિવાર તરફથી કોઈ સત્તાવાર પુષ્ટિ કરવામાં આવી નથી. ચાહકો હવે માત્ર પરિવાર તરફથી અધિકૃત જાહેરાતની રાહ જોઈ રહ્યા છે.

પ્રભાસના સંબંધોની અફવાઓ...

પ્રભાસનું નામ અગાઉ અનુષ્કા શેટ્ટી સાથે જોડાયું હતું. બાહુબલી ફિલ્મ દરમિયાન બંને વચ્ચે ગાઢ મિત્રતા જોવા મળી હતી, અને એવું કહેવાય છે કે તેઓ એકબીજાને ડેટ કરી રહ્યા હતા. અફવાઓ પ્રમાણે, તેમની મિત્રતા લગ્ન સુધી પહોંચવા જઈ રહી હતી, પરંતુ કોઈ કારણસર તેઓ અલગ થઈ ગયા. આ ઉપરાંત, પ્રભાસનું નામ બોલિવૂડ અભિનેત્રી કૃતિ સેનન સાથે પણ જોડાયું. ફિલ્મ "આદિપુરુષ" માં સાથે કામ કર્યા પછી બંનેની chemistry ચર્ચાનો વિષય બની. ઘણા અહેવાલોમાં દાવો કરવામાં આવ્યો કે પ્રભાસ અને કૃતિ સગાઈ કરવાના છે, પરંતુ તે માત્ર અફવા સાબિત થઈ.