પ્રભાસની ‘Spirit’ રિલીઝ પહેલા જ વિવાદમાં! સંદીપ વાંગાના ભાઈએ Criticsને કેમ આપ્યો પડકાર?

Prabhas Spirit Movie Controversy: પ્રભાસ અને તૃપ્તિ ડિમરી સ્ટારર ‘Spirit’ ફિલ્મ રિલીઝ પહેલાં જ ચર્ચામાં આવી ગઈ છે. ‘Animal’ ફેમ દિગ્દર્શક સંદીપ રેડ્ડી વાંગાની આ મોસ્ટ અવેટેડ ફિલ્મને લઈને હવે નિર્માતા અને સંદીપના ભાઈ પ્રણય રેડ્ડી વાંગાએ ફિલ્મ Criticsને ખુલ્લો પડકાર આપ્યો છે. પ્રણયે કહ્યું કે ‘Spirit’ રિલીઝ થયા બાદ વિવેચકો પોતાના Reviews દ્વારા ફિલ્મને ‘નષ્ટ’ કરવાનો પ્રયાસ કરી શકે છે, પરંતુ ફિલ્મ રિલીઝ થયા પછી જ તેની અસર જોવા મળશે.

પ્રણય રેડ્ડી વાંગાએ Criticsને શું કહ્યું?
પ્રણય રેડ્ડી વાંગાએ પોતાની તાજેતરની ફિલ્મ ‘Romanchakam’ અંગે ચર્ચા દરમિયાન ફિલ્મ Critics અને Reviewsને લઈને આ ટિપ્પણી કરી હતી. તેમણે ફિલ્મ બનાવવાની પ્રક્રિયા દરમિયાન દિગ્દર્શક અને સમગ્ર ટીમને પડતી મુશ્કેલીઓનો ઉલ્લેખ કર્યો હતો. પ્રણયના નિવેદન બાદ ‘Spirit’ ફિલ્મને લઈને Bollywood અને South Cinema બંનેમાં ચર્ચા તેજ થઈ છે. ખાસ કરીને ફિલ્મના Reviews અને Criticsની પ્રતિક્રિયા કેવી રહેશે તે અંગે હવે દર્શકોમાં ઉત્સુકતા વધી છે.

Prabhasની ‘Spirit’ કેમ છે ખાસ?
‘Spirit’ સંદીપ રેડ્ડી વાંગા અને સુપરસ્ટાર પ્રભાસની પહેલી ફિલ્મ છે. ‘Arjun Reddy’, ‘Kabir Singh’ અને ‘Animal’ જેવી ફિલ્મો માટે જાણીતા સંદીપ રેડ્ડી વાંગા હવે પ્રભાસ સાથે મોટા પાયે Action Drama લઈને આવી રહ્યા છે. ફિલ્મમાં પ્રભાસ સાથે તૃપ્તિ ડિમરી મુખ્ય ભૂમિકામાં છે, જ્યારે વિવેક ઓબેરોય પણ મહત્વની ભૂમિકામાં જોવા મળશે. ‘Spirit’ને પાન-વર્લ્ડ ફિલ્મ તરીકે તૈયાર કરવામાં આવી રહી છે અને તે 8 ભાષામાં રિલીઝ થવાની છે.

‘Spirit’ને મળશે A Certificate
ફિલ્મના કન્ટેન્ટને લઈને પણ પહેલેથી જ ચર્ચા છે. સંદીપ રેડ્ડી વાંગાએ સ્પષ્ટ કર્યું છે કે ‘Spirit’ને A Certificate મળશે. તેમના જણાવ્યા મુજબ ફિલ્મના હિંસક અને ઈન્ટેન્સ કન્ટેન્ટને કારણે ફિલ્મને Adult Rating મળવાની શક્યતા છે.

Deepika Padukoneથી Triptii Dimri સુધી કાસ્ટિંગ વિવાદ
‘Spirit’ની કાસ્ટિંગ પણ લાંબા સમયથી ચર્ચામાં છે. શરૂઆતમાં દીપિકા પાદુકોણનું નામ ફિલ્મ સાથે જોડાયું હતું, પરંતુ બાદમાં તૃપ્તિ ડિમરી ફિલ્મમાં આવી. દીપિકા પાદુકોણના ફિલ્મમાંથી બહાર થવા અંગે પ્રણય રેડ્ડી વાંગાએ Remuneration, Timing અને અન્ય મુદ્દાઓનો ઉલ્લેખ કર્યો હતો. તેમણે એવો દાવો પણ કર્યો હતો કે દીપિકાએ ફિલ્મના Profitમાંથી 10 ટકા હિસ્સો માંગ્યો હતો. આ પ્રણય રેડ્ડી વાંગાનો દાવો છે અને આ મુદ્દે બંને પક્ષોની વાત અલગ રહી છે.

‘Spirit’ ક્યારે રિલીઝ થશે?
પ્રભાસ અને તૃપ્તિ ડિમરીની ‘Spirit’ 5 માર્ચ 2027ના રોજ સિનેમાઘરોમાં રિલીઝ થવાની છે. ફિલ્મની રિલીઝ ડેટ Makers દ્વારા કન્ફર્મ કરવામાં આવી છે. હવે સૌથી મોટો સવાલ એ છે કે Criticsને મળેલા આ ખુલ્લા પડકાર બાદ ‘Spirit’ જ્યારે સિનેમાઘરોમાં આવશે ત્યારે ફિલ્મને કેવા Reviews મળશે. પ્રભાસનો સ્ટાર પાવર, સંદીપ રેડ્ડી વાંગાની ફિલ્મમેકિંગ સ્ટાઇલ અને પહેલેથી ચાલી રહેલા વિવાદને કારણે ‘Spirit’ની રિલીઝ પહેલાં જ તેનો Buzz વધી ગયો છે.