પરેશ રાવલની 'ધ તાજ સ્ટોરી'એ મંડે ટેસ્ટ પાસ કર્યો

2025ને સરપ્રાઇઝ ફિલ્મોનું વર્ષ કહેવામાં આવી રહ્યું છે, અને પરેશ રાવલની "ધ તાજ સ્ટોરી" તેનું તાજું ઉદાહરણ છે. રિલીઝ પહેલાં વિવાદોમાં ઘેરાયેલી આ ફિલ્મ માત્ર થિયેટર્સમાં પહોંચી જ નહીં, પરંતુ બોક્સ ઓફિસ પર પણ દમદાર પ્રદર્શન કરી રહી છે. પહેલા વીકએન્ડમાં 6 કરોડનું કલેક્શન કરનારી ફિલ્મે સોમવાર (મંડે ટેસ્ટ)માં પણ 1.15 કરોડ કમાયા, જે ઓપનિંગ ડે (1 કરોડ) કરતાં વધુ છે. 4 દિવસમાં કુલ નેટ કલેક્શન 7 કરોડ પર પહોંચી ગયું, જે ટ્રેડ નિષ્ણાતોના અંદાજ કરતાં ઘણું સારું છે. રસપ્રદ વાત એ છે કે bookmyshow પર છેલ્લા 24 કલાકમાં "ધ તાજ સ્ટોરી"ની 28,650 ટિકિટ વેચાઈ, જ્યારે "બાહુબલી: ધ એપિક" (રી-રિલીઝ)ની માત્ર 28,350. વિવાદોમાં ઘેરાયેલી ફિલ્મે 'સૈયારા', 'મહાવતાર નરસિંહા' અને "એક દીવાને કી દીવાનિયત" જેવી સરપ્રાઇઝ હિટ ફિલ્મોની હરોળમાં જોડાઈ ગઈ છે.

"ધ તાજ સ્ટોરી"નો બોક્સ ઓફિસ સફર: વિવાદથી કમાણી સુધીનો પ્રવાસ

ફિલ્મનું પહેલું પોસ્ટર આવતાં જ વિવાદ શરૂ થયો હતો. સોશિયલ મીડિયા પર તાજમહેલની અંદર શિવલિંગ બતાવવાનો આરોપ લાગ્યો, જેના પછી પરેશ રાવલને ડિસ્ક્લેમર જારી કરવું પડ્યું: "ફિલ્મ કોઈ ધાર્મિક મુદ્દા સાથે વ્યવહાર કરતી નથી, માત્ર ઐતિહાસિક તથ્યો પર આધારિત છે." રિલીઝ પછી પણ ચર્ચા ચાલી, પરંતુ દર્શકોએ તેને અવગણીને ફિલ્મને વખાણી. લિમિટેડ સ્ક્રીન્સ પર રિલીઝ થયેલી ફિલ્મે પહેલા દિવસે 1 કરોડથી શરૂઆત કરી, શનિવારે 1.9 કરોડ, રવિવારે 2.2-2.3 કરોડ ઉમેરી વીકએન્ડ 6 કરોડ પર સમાપ્ત કર્યું. સોમવારે 1.15 કરોડની કમાણીએ ટ્રેડને આશ્ચર્યમાં મૂકી દીધું, કારણ કે મંડે પર સામાન્ય રીતે 30-50% ઘટાડો આવે છે.

દિવસ 1 (શુક્રવાર) 1.00 1.00 દિવસ 2 (શનિવાર) 1.90 2.90 દિવસ 3 (રવિવાર) 2.20-2.30 5.10-5.20 દિવસ 4 (સોમવાર) 1.15 6.90-7.00

 

bookmyshow પર "ધ તાજ સ્ટોરી"ની ધમક: "બાહુબલી"ને પાછળ છોડી

bookmyshowના ટ્રેન્ડિંગ ડેટા મુજબ, મંગળવાર સવારે 24 કલાકમાં "ધ તાજ સ્ટોરી"ની 28,650 ટિકિટ વેચાઈ, જ્યારે "બાહુબલી: ધ એપિક" (રી-રિલીઝ)ની 28,350. "બાહુબલી"નો ક્રેઝ હજુ પણ મજબૂત છે, ખાસ કરીને તેલુગુ દર્શકોમાં, પરંતુ પરેશ રાવલની ફિલ્મે સરપ્રાઇઝ આપ્યું. મંગળવારે "બ્લોકબસ્ટર ટ્યુસડે" ઓફર (ટિકિટ સસ્તી)થી વોક-ઇન દર્શકોનો ફાયદો મળશે, જે ફિલ્મને 10 કરોડ ક્લબમાં લઈ જઈ શકે છે.

ટ્રેડ વિશ્લેષક સુમિત કાદેલે કહ્યું: "વિવાદો વચ્ચે 'ધ તાજ સ્ટોરી'એ બતાવી દીધું કે સારી વાર્તા હંમેશા જીતે છે. 300 સ્ક્રીન્સ પર રિલીઝ થયેલી ફિલ્મનું 7 કરોડ કલેક્શન શાનદાર છે." ફિલ્મનું બજેટ 20 કરોડ છે, જે જલ્દી વસૂલ થઈ જશે.

વિવાદથી ફિલ્મ સુધી: પરેશ રાવલનો પ્રવાસ

ફિલ્મ તાજમહેલના ઐતિહાસિક રહસ્યો પર આધારિત છે, પરંતુ ડિસ્ક્લેમ પછી વિવાદ શાંત થયો. પરેશ રાવલ, જાકિર હુસૈન, અમૃતા ખાનવિલકર અને નમિતા દાસની સ્ટાર કાસ્ટે ફિલ્મને મજબૂતી આપી. રિલીઝ પછી સોશિયલ મીડિયા પર #TajStory ટ્રેન્ડ કરી રહી છે, જ્યાં દર્શકો કહે છે: "વિવાદ કરતાં કન્ટેન્ટ વધુ મહત્વનું છે."

આગામી સપ્તાહે "બ્લોકબસ્ટર ટ્યુસડે" અને વીકએન્ડથી ફિલ્મ 15 કરોડ સુધી પહોંચી શકે છે. ટ્રેડને આશા છે કે આ 2025ની સરપ્રાઇઝ હિટ્સમાં સામેલ થશે.