નુપુર સેનન અને સ્ટેબિન બેને કર્યા લગ્ન

બોલિવૂડ અભિનેત્રી કૃતિ સેનનની બહેન નુપુર સેનન અને જાણીતા ગાયક સ્ટેબિન બેને આજે લગ્ન કરી લીધા છે. આ કપલે ઉદયપુરના સુંદર લોકેશન પર પોતાના નવા જીવનની શરૂઆત કરી છે. સોશિયલ મીડિયા પર તેમના લગ્નની તસવીરો અને વીડિયો અત્યારે જોરદાર વાયરલ થઈ રહ્યા છે.

ખ્રિસ્તી વિધિથી થયા લગ્ન : 

આજે 11 જાન્યુઆરીના રોજ નુપુર અને સ્ટેબિને સૌપ્રથમ ખ્રિસ્તી પરંપરા મુજબ લગ્ન કર્યા હતા. વાયરલ વીડિયોમાં નુપુર સફેદ રંગના અત્યંત સુંદર ગાઉનમાં જોવા મળી રહી છે, જ્યારે સ્ટેબિન બેને મેચિંગ સફેદ સૂટ પહેર્યો છે. વીડિયોમાં આ નવદંપતી કેક કાપતા અને વાઇનની બોટલ સાથે સેલિબ્રેશન કરતા નજરે પડે છે. બંનેએ એકબીજાની સંસ્કૃતિને માન આપવા માટે બે અલગ-અલગ વિધિથી લગ્ન કરવાનો નિર્ણય લીધો છે.

હિન્દુ રીતરિવાજ મુજબ પણ લેશે ફેરા : 

માત્ર ખ્રિસ્તી જ નહીં, પરંતુ નુપુર અને સ્ટેબિન આજે સાંજે હિન્દુ શાસ્ત્રોક્ત વિધિ મુજબ પણ લગ્ન કરવાના છે. નુપુરના ચાહકો તેને ભારતીય દુલ્હનના અવતારમાં જોવા માટે ખૂબ જ આતુર છે. ઉદયપુરમાં ચાલી રહેલા આ રોયલ વેડિંગમાં બંને પરિવારના સભ્યો અને નજીકના મિત્રો હાજર રહ્યા છે.

બહેનના લગ્નમાં કૃતિ સેનનનો જલવો : 

નુપુરના લગ્નમાં તેની મોટી બહેન અને અભિનેત્રી કૃતિ સેનન આકર્ષણનું કેન્દ્ર બની છે. કૃતિએ તેની બહેનની બ્રાઈડ્સમેઇડ તરીકેની જવાબદારી નિભાવી હતી. સંગીત સેરેમનીમાં કૃતિએ તેની માતા સાથે 'ગલ્લાન ગુડિયાં' ગીત પર ડાન્સ કર્યો હતો, જ્યારે વરુણ શર્મા સાથે 'લોલીપોપ લગેલુ' જેવા લોકપ્રિય ગીત પર કૃતિના ડાન્સ વીડિયોએ સોશિયલ મીડિયા પર ધૂમ મચાવી છે.