કપિલ શર્માના કેફે પર ગોળીબારના શૂટરની ધરપકડ

દિલ્હી પોલીસની ક્રાઈમ બ્રાન્ચે કેનેડામાં કપિલ શર્માના કેપ્સ કેફે પર થયેલા ગોળીબારના મુખ્ય શૂટર બંધુ માન સિંહ સેખોંની ધરપકડ કરી લીધી છે. તે ગોળીબારની ઘટના પછી ભારત ભાગી આવ્યો હતો.

કોમેડિયન કપિલ શર્માના કેનેડાના વાનકુવરમાં આવેલા 'કેપ્સ કેફે' પર થયેલા ગોળીબારના મુખ્ય આરોપી અને શૂટર બંધુ માન સિંહ સેખોને દિલ્હી પોલીસની ક્રાઈમ બ્રાન્ચે ધરપકડ કરી લીધી છે. આ ધરપકડને પોલીસ માટે મોટી સફળતા માનવામાં આવી રહી છે, કારણ કે સેખોન ગેંગસ્ટર ગોલ્ડી બ્રારના સહયોગી તરીકે ઓળખાય છે અને તેનું લોરેન્સ બિશ્નોઈ ગેંગના વોન્ટેડ ગેંગસ્ટર ગોલ્ડી ધિલ્લોન સાથે પણ જોડાણ છે.

સેખોને ૧૦ જુલાઈ ૨૦૨૫ના ગોળીબાર પછી તરત જ કેનેડાથી ભારત ભાગી આવ્યો હતો અને તેને આગસ્ટમાં દેશમાં પ્રવેશ કર્યો હોવાનું જાણવા મળ્યું છે. તપાસમાં ખુલાસો થયો છે કે તેણે શૂટરોને હથિયારો અને વાહન પૂરું પાડ્યું હતું. આ ઘટના પછી તે દિલ્હીમાં છુપાયેલો હતો, જ્યાંથી તેને પકડવામાં આવ્યો.

કેફે પર ત્રણ વાર હુમલા: ગેંગ વોરની આશંકા

કપિલ શર્માએ આ વર્ષે વાનકુવરમાં 'કેપ્સ કેફે' ખોલ્યું હતું, જે ખુલ્લા પછીથી ત્રણ વાર ગોળીબારનો શિકાર બન્યું છે:

• ૧૦ જુલાઈ ૨૦૨૫: પ્રથમ હુમલો, જેમાં ખાલિસ્તાની આતંકવાદી હરજીત સિંહ લડ્ડીએ જવાબદારી સ્વીકારી હતી. કોઈને ઈજા નહોતી થઈ.
• ૭ ઓગસ્ટ ૨૦૨૫: બીજો હુમલો, જેમાં અનેક ગોળીઓ ચલાવવામાં આવી અને કેફેને તાત્કાલિક બંધ કરવું પડ્યું.
• ૧૬ ઓક્ટોબર ૨૦૨૫: ત્રીજો હુમલો, જેમાં કારમાંથી આવેલા હુમલાવાળાઓએ હવામાં ગોળીઓ ચલાવી. આ બધા હુમલાઓમાં કુલ ૯ ગોળીઓ ચલાવવામાં આવી હતી, પરંતુ કોઈને નુકસાન નથી થયું.

પોલીસ અનુસાર, આ હુમલાઓ ગેંગ વોરનો ભાગ હોઈ શકે છે, જેમાં ગોલ્ડી ધિલ્લોન અને કુલદીપ સિધુ જેવા ગેંગસ્ટર્સની સંડોવણી છે. દિલ્હી પોલીસ હવે આ કનેક્શનની ઊંડી તપાસ કરી રહી છે, જેથી મુખ્ય કાવતરાને ઉજાગર કરી શકાય.

 આ સતત ગોળીબારથી ભારે હોબાળો મચી ગયો, જેના કારણે કેફે થોડા સમય માટે બંધ કરવું પડ્યું હતું. આ પછી 16 ઓક્ટોબરે કેફે પર ત્રીજી વખત ગોળીબાર થયો. કારમાં આવેલા કેટલાક બદમાશોએ હવામાં ગોળીબાર કર્યો. અત્યાર સુધીમાં, કેપ્સ કાફેમાં ત્રણ ગોળીબાર થયા છે.