ઇન્ડિયન આઇડલ શોના વીનર પવનદીપને ગંભીર અકસ્માત

ઇન્ડિયન આઇડલ શોના વિનર ગાયક પવનદિપ રાજનને મુરાદાબાદ પાસે ગંભીર અકસ્માત થયો છે. તેમને તત્કાલિક હોસ્પિટલમાં સારવાર માટે ખસેડાયા છે. જ્યાં તેમની હાલત નાજુક ગણાવાઇ રહી છે. પવનદીપ પોતાના શો માટે અમદાવાદ આવવા નિકળ્યા હતા. પવનદીપને અકસ્માત થયો હોવાના સમાચાર મળતા ચાહકોને આઘાત લાગ્યો હતો. 

મળતી માહિતી મુજબ પવનદીપ રાજન સોમવારે સવારે 3.40 વાગે કાર લઇને દિલ્હી એરપોર્ટ તરફ જઇ રહ્યા હતા ત્યારે મુરાદાબાદ પાસે તેમની કારને ગંભીર અકસ્માત થયો હતો જેમાં તેમને ઇજા થતાં તત્કાળ સારવાર માટે હોસ્પિટલમાં ખસેડાયા છે. પવનદીપનો અમદાવાદમાં શો હોવાથી તે અમદાવાદ જવા માટે દિલ્હી એરપોર્ટ જઇ રહ્યા હતા. તે સમયે રસ્તામાં અકસ્માત થયો હતો. પવનદીપને ઘણી ઇજા થઇ છે જેથી તેમની સારવાર હાલ ચાલી રહી છે.

પવનદીપના અકસ્માતના સમાચારથી તેના ચાહકોમાં આઘાત પ્રસરી ગયો છે, અને તેઓ ઝડપથી સાજા થાય તે માટે પ્રાર્થના કરી રહ્યા છે. 28 વર્ષના પવનદીપને ઇન્ડિયન આઇડલ શોથી ખ્યાતિ મળી હતી અને તે શોના વિજેતા પણ થયા હતા. તેમણે ઘણા મ્યુઝિક વીડિયોમાં પણ પોતાના અવાજ આપ્યો છે. તે ગાયક હોવાની સાથે કંપોઝર અને સારા ગિટારીસ્ટ અને સંગીતકાર પણ છે.