હવે મોટા પડદા પર ગુડ્ડુ પંડિત-કાલીન ભૈયાનો સ્વેગ, 'મિર્ઝાપુર ધ ફિલ્મ'નું ટીઝર રીલીઝ

ફરહાન અખ્તરે પંકજ ત્રિપાઠી, દિવ્યેન્દુ શર્મા, અલી ફઝલની 'મિર્ઝાપુર ધ ફિલ્મ'નું ટીઝર શેર કર્યું છે. આ વખતે કાલીન ભૈયા, ગુડ્ડુ પંડિત અને મુન્ના ભૈયા OTT પ્લેટફોર્મ પર નહીં પરંતુ થિયેટરોમાં ભૌકાલ મચાવશે.   મિર્ઝાપુર સીરિઝના ચાહકો માટે સારા સમાચાર છે. ફરી એકવાર કાલીન ભૈયા, ગુડ્ડુ પંડિત અને મુન્ના ભૈયા સાથે જોવા મળશે, જો કે આ વખતે OTT પર નહીં પણ મોટા પડદા પર મિર્ઝાપુરની ગાદીની લડાઈ જોવા મળશે.'મિર્ઝાપુર' ફિલ્મને લઈને જાહેરાત કરવામાં આવી છે અને હાલ તેનું ટીઝર પણ રીલીઝ કરવામાં આવ્યું છે.   'મિર્ઝાપુર' સિરીઝથી દરેક જણ વાકેફ જ છે.જે હવે હવે મોટા બજેટની ફિલ્મ બનવા જઈ રહી છે. વર્ષ 2026માં 'મિર્ઝાપુર ધ ફિલ્મ'  સિનેમાઘરોમાં પ્રસારિત કરવામાં આવશે. તાજેતરમાં ફરહાન અખ્તરે  એક ટીઝર રિલીઝ કર્યું છે જે ખૂબ જ દમદાર છે. ટીઝર શેર કરતી વખતે ફરહાને લખ્યું, "હવે ભૌકાલ મોટો થશે અને એ જ રીતે પડદો પણ મોટો. મિર્ઝાપુર ફિલ્મ, ટૂંક સમયમાં આવી રહી છે."     પંકજ ત્રિપાઠી, અલી ફઝલ, અભિષેક બેનર્જી અને દિવ્યેન્દુ સિવાય ફિલ્મના કોઈ કલાકાર વિશે હજુ સુધી કોઈ માહિતી આપવામાં આવી નથી. જો કે, એવું લાગે છે કે જૂના કલાકારો જ  તેમની ભૂમિકા ફરીથી રજૂ કરી શકે છે.   અગાઉ એવી અફવા હતી કે હૃતિક રોશન કદાચ કાલિન ભૈયાનું પાત્ર ભજવી શકે છે. જો કે, હજુ સુધી આ અંગે કોઈ પુષ્ટિ કરવામાં આવી નથી. જે ટીઝર જાહેર કરવામાં આવ્યું છે તેમાં પંકજ ત્રિરપાઠી દેખાઈ રહ્યા છે. એક્સેલ એન્ટરટેઈનમેન્ટ પ્રોડક્શને નવેમ્બર 2018માં ક્રાઈમ થ્રિલરની પ્રથમ સિઝન અને ઓક્ટોબર 2020માં બીજી સિઝન રિલીઝ કરી હતી. આ શોની ત્રીજી સીઝન જુલાઈ 2024માં રિલીઝ થઈ હતી. જેને દર્શકો તરફથી કુબજ સારો પ્રતિસાદ મળ્યો છે.      'મિર્ઝાપુર ધ ફિલ્મ'ના ગુરમીત સિંહ દ્વારા લખવામાં આવી છે. જ્યારે આ ફિલ્મના નિર્માતા પુનીત ક્રિષ્ના છે અને રિતેશ સિધવાણી અને ફરહાન અખ્તર સહ-નિર્માતા છે.