'ધ સાબરમતી રિપોર્ટ' ફિલ્મને લઈને ગુડ ન્યુઝ 

રાજ્યના સીએમ ભૂપેન્દ્ર પટેલે રાજ્યમાં ફિલ્મ 'ધ સાબરમતી રિપોર્ટ'ને ટેક્સ ફ્રી જાહેર કરી હતી.  તેમણે ફિલ્મની પ્રશંસા કરતા તેને "ઉત્તમ પ્રયાસ" ગણાવ્યો અને કહ્યું કે આ ફિલ્મએ ઘટનાની સત્યતાને ઉજાગર કરી છે. મુખ્યમંત્રી  ભૂપેન્દ્ર પટેલે અમદાવાદમાં સિટી ગોલ્ડ સિનેમા ખાતે 'ધ સાબરમતી રિપોર્ટ' ફિલ્મ નિહાળી હતી. ગૃહ રાજ્યમંત્રી હર્ષ સંઘવીએ પણ ફિલ્મ જોઇ હતી.    27 ફેબ્રુઆરી 2002 ના રોજ ગોધરા ખાતે સાબરમતી એક્સપ્રેસના કોચ s7 અને s6 માં 59 જેટલા કાર સેવકોને જીવતા બાળી દેવામાં આવ્યા હતા. આ સમગ્ર ઘટના બાદ ગુજરાતમાં કોમી રમખાણ ફાટી નીકળ્યા હતા. ત્યારે તે જ મુદ્દા ઉપર 15 તારીખના રોજ જી સાબરમતી રિપોર્ટ નામની હિન્દી ફિલ્મ રિલીઝ થઈ છે.   મુખ્યમંત્રી ભુપેન્દ્ર પટેલ અને અમદાવાદ શહેર ભાજપ સંગઠન અને કોર્પોરેશનના પદાધિકારીઓએ પણ ફિલ્મને નિહાળી હતી. આ પ્રસંગે ફિલ્મના પ્રોડ્યુસર એકતા કપૂર પણ જોડાયા હતા. એકતા કપૂરના જણાવ્યા અનુસાર, સત્ય ઘટના પર આધારિત હોવાથી ફિલ્મમાં સત્ય બહાર લાવવાનો પ્રયાસ છે.