થઈજાઓ તૈયાર સપ્ટેમ્બરમાં આવી રહી છે શાનદાર ફિલ્મો.

ગણેશ ઉત્સવનો ધમાકેદાર માહોલ પૂર્ણ થયા બાદ હવે સપ્ટેમ્બર મહિનો મનોરંજનથી ભરપૂર રહેવાનો છે. આ મહિને સિનેમાઘરોમાં એક પછી એક શાનદાર ફિલ્મો રિલીઝ થવા જઈ રહી છે, જે દર્શકોને એક્શન, રોમાન્સ, કોમેડી અને થ્રિલરનો ભરપૂર અનુભવ કરાવશે. માત્ર હિન્દી જ નહીં, પરંતુ સાઉથ અને હોલીવુડની ફિલ્મો પણ મોટા પડદા પર ધમાલ મચાવવા તૈયાર છે. તો ચાલો, જાણીએ આ મહિને કઈ ફિલ્મો તમારા મનોરંજન માટે સજ્જ છે.

એક્શન અને રોમાંચનો તડકો

• બાગી 4: જો તમે ટાઈગર શ્રોફની એક્શનના ફેન છો તો તમારા માટે આ ફિલ્મ ગુડ ન્યૂઝ છે. 'બાગી 4'નું ટ્રેલર શાનદાર એક્શનથી ભરપૂર છે, જેમાં ટાઈગર અને સંજય દત્ત વચ્ચેની દમદાર ફાઈટ જોવા મળે છે. આ ફિલ્મ 5 સપ્ટેમ્બરે સિનેમાઘરોમાં રિલીઝ થશે.

• દિલ મદ્રાસી: તમિલ ફિલ્મ 'દિલ મદ્રાસી'નું ટ્રેલર દર્શકોમાં ખૂબ ઉત્સાહ જગાવી રહ્યું છે. શ્રી લક્ષ્મી મુવીઝના બેનર હેઠળ બનેલી આ ફિલ્મમાં શિવાકાર્તિકેય, રુકમણી વાસંથ અને વિદ્યુત જામવાલ જેવા સ્ટાર્સ છે. આ રોમાન્સ અને એક્શનથી ભરપૂર ફિલ્મ 5 સપ્ટેમ્બરે રિલીઝ થશે.

• કેડી ધ ડેવિલ: સાઉથના સુપરસ્ટાર ધ્રુવ સરજાની આ મોસ્ટ અવેટેડ ફિલ્મની ચાહકો આતુરતાથી રાહ જોઈ રહ્યા છે. 'કેડી ધ ડેવિલ'માં સંજય દત્ત, શિલ્પા શેટ્ટી અને નોરા ફતેહી જેવા સ્ટાર્સની દમદાર એન્ટ્રી જોવા મળશે. આ ફિલ્મ 4 સપ્ટેમ્બરે રિલીઝ થવા જઈ રહી છે.

હોરર અને કોમેડીનો ડબલ ડોઝ

• ધ કૉન્જ્યુરિંગ લાસ્ટ રાઈટ: જો તમને હોરર ફિલ્મો પસંદ હોય તો આ મહિનો તમારા માટે ખાસ છે. હોલીવુડની પોપ્યુલર હોરર સિરીઝ 'ધ કૉન્જ્યુરિંગ'નો છેલ્લો પાર્ટ, 'ધ કૉન્જ્યુરિંગ લાસ્ટ રાઈટ' 5 સપ્ટેમ્બરે રિલીઝ થશે. જોકે, આ ફિલ્મ એક પ્યોર હોરર ફિલ્મ નહિ, પણ પ્રેમ કહાની પર આધારિત છે.

• એક ચતુર નાર: બોલિવૂડમાં કમબેક કરી રહેલા અભિનેતા નીલ નીતિન મુકેશ, દિવ્યા ખોસલા સાથે કોમેડી ફિલ્મ 'એક ચતુર નાર'માં જોવા મળશે. આ મજેદાર ફિલ્મ 12 સપ્ટેમ્બરે રિલીઝ થશે.

કોર્ટ રૂમ ડ્રામા અને ડેબ્યૂ

• જોલી એલએલબી 3: અક્ષય કુમારની 'જોલી એલએલબી' સિરીઝ તેના મજેદાર કોર્ટ રૂમ ડ્રામા માટે ખૂબ જાણીતી છે. આ સિરીઝનો ત્રીજો ભાગ 'જોલી એલએલબી 3' 19 સપ્ટેમ્બરે સિનેમાઘરોમાં આવશે, જેના માટે ચાહકોમાં ખૂબ ઉત્સાહ જોવા મળી રહ્યો છે.

• નિશાંચી: 19 સપ્ટેમ્બરે 'જોલી એલએલબી 3'ની સાથે વધુ એક ફિલ્મ રિલીઝ થઈ રહી છે, જેનું નામ 'નિશાંચી' છે. આ ફિલ્મ બાલાસાહેબ ઠાકરેના પૌત્ર ઐશ્વર્ય ઠાકરેના બોલિવૂડ ડેબ્યૂ માટે ખાસ છે.

સપ્ટેમ્બર મહિનામાં મનોરંજનના આટલા બધા વિકલ્પો સાથે, આશા છે કે તમે તમારી પસંદગીની ફિલ્મો જોઈને ભરપૂર આનંદ માણશો.