નાના પાટેકરની ફિલ્મ પ્રહારમાં જોવા મળ્યા હતા સેનાના આ પૂર્વ પ્રમુખ, મિઝોરમના છે રાજ્યપાલ

1991માં રિલીઝ થયેલી ફિલ્મ 'પ્રહાર' એ એક જોરદાર ફિલ્મ હતી, જેમાં ભારતીય સેનાનું શૌર્ય અને પરાક્રમ દર્શાવવામાં આવ્યું હતું. આ ફિલ્મમાં નાના પાટેકર, માધુરી દીક્ષિત અને ડિમ્પલ કપાડિયા મુખ્ય ભૂમિકામાં હતા. નાના પાટેકરે ફિલ્મનું નિર્દેશન પણ કર્યું હતું, તે સિવાય આ ફિલ્મની કહાણીનું લખાણ પણ પોતે જ કર્યું હતું. તેમણે મેજર ચૌહાણ તરીકે એક એવા સેનાકર્મીનો રોલ કર્યો હતો, જે દેશસેવા પછી સમાજમાં વ્યાપ્ત ભ્રષ્ટાચાર સામે લડતો છે.

આ ફિલ્મ માત્ર ભારતીય સેનાની કહાણી નહિ પરંતુ સમાજિક મુદ્દાઓ પર પણ આધારિત હતી. આ એક ભાવનાત્ક સ્તરે પણ દર્શકોને પ્રભાવિત કરવામાં  સફળ રહી હતી. આ ફિલ્મમાં એક મહત્વપૂર્ણ ભૂમિકામાં પૂર્વ સેના પ્રમુખ અને પૂર્વ કેન્દ્રીય મંત્રી પણ દેખાયા હતા. આ અન્ય કોઈ નહિ પરંતુ જનરલ વી.કે. સિંહ હતા.

શું હતી જનરલ વી.કે. સિંહની ભૂમિકા?

ઉલ્લેખનીય છે કે, વી. કે. સિંહ આખી ફિલ્મમાં દેખાયા ન હતા, પરંતુ એક મહત્વપૂર્ણ દૃશ્યમાં તેઓ હતા. આ સીનમાં સેનાના અધિકારી એક ટેબલ મીટિંગ દરમિયાન આંતકીઓની યોજના પર ચર્ચા કરી રહ્યા હતા. આ દૃશ્યમાં નાના પાટેકર અને કર્નલ વી.કે. સિંહ તેમના વરિષ્ઠ અધિકારી પાસેથી સૂચનાઓ લઈ રહ્યા હતા. તે દરમિયાન નાના પાટેકરને એક ખાસ મિશન માટે પસંદ કરવામાં આવે છે અને વી.કે. સિંહ તરફ ઈશારો કરતાં કહે છે કે, 'આપણને તે જગ્યાની અમુક સ્લાઈડ્સ મળી છે. વી.કે.સિંહ તમને એ વિશે જણાવશે.'

નાના પાટેકરને આપ્યો હતો સંપૂર્ણ સાથ

આ દૃશ્ય એક હાઈજેકિંગ ઘટનાને દર્શાવે છે જેમાં આતંકવાદીઓ બાળકોને બંધક બનાવે છે અને દરેક કલાકમાં બાળકોને મારવાની ધમકી આપે છે અને સરકાર પાસે અમુક માંગો કરે છે. આ સંકટથી બચવા માટે નાના પાટેકર અને વી.કે. સિંહની જોડીને પસંદ કરવામાં આવે છે. આ ફિલ્મમાં જનરલ વી.કે. સિંહનું નામ વી.કે. સિંહ જ છે. તેમના વધારે ડાયલોગ નથી, પરંતુ તે મિશનને નાના પાટેકર સાથે કરતાં જોવા મળી રહ્યા છે. 'પ્રહર'માં જોવા મળેલા વી.કે. સિંહ યંગ સેનાના અધિકારી હતા. આ ફિલ્મમાં ભલે તેમની ભૂમિકા નાની હતી, પરંતુ તે એક મેચ્યોર એક્ટર લાગતા હતા.