હની સિંહના દિલ્હી કન્સર્ટમાં ચાહકો વચ્ચે મારામારી

પ્રખ્યાત રેપર અને સિંગર યો યો હની સિંહની 'માય સ્ટોરી વર્લ્ડ ટૂર' ના ઇન્ડિયા ચેપ્ટરની શરૂઆત વિવાદો સાથે થઈ છે. ૧૪ માર્ચના રોજ દિલ્હીના ઈન્દિરા ગાંધી ઇન્ડોર સ્ટેડિયમમાં આયોજિત કન્સર્ટમાં હજારોની ભીડ વચ્ચે અચાનક મારામારી ફાટી નીકળી હતી.

સોશિયલ મીડિયા પર વાયરલ થયેલા વીડિયોમાં ચાહકો એકબીજા પર હુમલો કરતા અને પીણાં ફેંકતા જોવા મળે છે.

પરફોર્મન્સ ચાલુ રહ્યું, નીચે અરાજકતા

જ્યારે કન્સર્ટમાં 'દેશી કલાકાર' અને 'બ્લુ આઈઝ' જેવા હિટ ગીતો પર લોકો ઝૂમી રહ્યા હતા, ત્યારે ભીડમાં એક જૂથ વચ્ચે ઉગ્ર દલીલ થઈ જે બાદમાં હિંસક મારામારીમાં ફેરવાઈ ગઈ હતી. ગઈકાલે તારીખ 15 માર્ચે દિલ્હી ખાતે ચાલતા હની સિંઘના કોન્સર્ટમાં ભારે અફરાતફરી મચી ગઈ હતી. 

હની સિંહ સ્ટેજ પર પોતાના પર્ફોર્મન્સમાં મશગૂલ હતો અને કદાચ આ નીચે ચાલી રહેલી ધમાલથી અજાણ હતો, તેથી તેણે ગાવાનું ચાલુ રાખ્યું હતું. પરિસ્થિતિને કાબૂમાં લેવા માટે અંતે દિલ્હી પોલીસે દરમિયાનગીરી કરવી પડી હતી.

આ કન્સર્ટ હની સિંહ માટે ખાસ હતો કારણ કે તેણે દાવો કર્યો છે કે ઇતિહાસમાં પ્રથમ વખત લાઈવ શો દરમિયાન જ મ્યુઝિક વીડિયો શૂટ કરવામાં આવ્યો છે. આ શૂટિંગમાં તેની સાથે લોરેન ગોટલીબ પણ જોડાઈ હતી. હની સિંહે ઈન્સ્ટાગ્રામ પર દિલ્હીની એનર્જીને 'મેજિકલ' ગણાવી હતી, જોકે મારામારીની ઘટનાએ કન્સર્ટની મજા બગાડી હતી.

          View this post on Instagram                      

A post shared by Rajan Anand (@rjanand01)

#Honeysingh #concert #delhi
-LiveFight
A brief scuffle reportedly broke out between sponsor crew members and a few attendees during Yo Yo Honey Singh’s concert. The performance continued as Delhi Police intervened and brought the situation under control. pic.twitter.com/mZzxKTk6q3

— B. Bhaskar (@bipulbhaskar_) March 14, 2026

આગામી સ્ટોપ: અમદાવાદ

દિલ્હી બાદ હવે યો યો હની સિંહ 21 માર્ચના રોજ અમદાવાદમાં પર્ફોર્મ કરવા જઈ રહ્યો છે. ત્યારબાદ 28 માર્ચે મુંબઈ, 4 એપ્રિલે પુણે અને 16 મે સુધી બેંગલુરુ સહિત વિવિધ શહેરોમાં તેના શો યોજાશે. દિલ્હીની ઘટનાને જોતા હવે પછીના શહેરોમાં સુરક્ષા વ્યવસ્થા વધુ કડક કરવામાં આવે તેવી શક્યતા છે.