બોલીવૂડની મોસ્ટ અવેટેડ ફિલ્મ 'ધુરંધર 2' એ બોક્સ ઓફિસ પર ધમાકેદાર એન્ટ્રી કરી છે. ડિસેમ્બર 2025માં રિલીઝ થયેલા પ્રથમ ભાગની ભવ્ય સફળતા બાદ, પ્રેક્ષકો આ સિક્વલની આતુરતાથી રાહ જોઈ રહ્યા હતા. આ ફિલ્મની લોકપ્રિયતાનો અંદાજ એ વાત પરથી લગાવી શકાય છે કે ઓફિશિયલ રિલીઝ પહેલા જ પ્રીવ્યૂ શો દ્વારા તેણે અનેક રેકોર્ડ તોડી નાખ્યા છે.
પ્રીવ્યૂ શોમાં 'સ્ત્રી 2'નો રેકોર્ડ ધરાશાયી :&nbsp;
19 માર્ચના રોજ સિનેમાઘરોમાં સત્તાવાર રીતે રિલીઝ થતા પહેલા, 18 માર્ચની સાંજે 'ધુરંધર 2' ના ખાસ પેઈડ પ્રીવ્યૂ શો યોજવામાં આવ્યા હતા. આ શોના એડવાન્સ બુકિંગમાં જ ફિલ્મે 42 કરોડ રૂપિયાથી વધુનું ગ્રોસ કલેક્શન કરી લીધું હતું. આ આંકડા સાથે 'ધુરંધર 2' એ વર્ષ 2024ની સફળ ફિલ્મ 'સ્ત્રી 2' ના 11 કરોડના પ્રીવ્યૂ કલેક્શનના રેકોર્ડને ખૂબ પાછળ છોડી દીધો છે. જોકે, કન્ટેન્ટ ડિલીવરીમાં વિલંબને કારણે કેટલીક જગ્યાએ શો રદ કરવા પડ્યા હતા અને રિફંડ આપવું પડ્યું હતું, તેમ છતાં ફિલ્મે અંદાજે 35 કરોડની કમાણી કરી હોવાનું મનાય છે.
પ્રથમ ભાગ કરતા પણ વધુ ક્રેઝ :&nbsp;
રસપ્રદ વાત એ છે કે 'ધુરંધર 2' ના માત્ર પ્રીવ્યૂ શોનું કલેક્શન તેના પ્રથમ ભાગ 'ધુરંધર' ના ઓપનિંગ ડે કલેક્શન (33 કરોડ) કરતા પણ વધારે રહ્યું છે. આદિત્ય ધરના દિગ્દર્શન હેઠળ બનેલી આ ફિલ્મનો ક્રેઝ દર્શકોમાં એટલો છે કે સાડા ત્રણ કલાકથી વધુ લાંબી હોવા છતાં લોકો થિયેટરોમાં ઉમટી રહ્યા છે. ફિલ્મના શાનદાર મેકિંગ અને વાર્તાની પકડને કારણે એડવાન્સ બુકિંગમાં પણ અભૂતપૂર્વ ઉછાળો જોવા મળ્યો છે.
બોક્સ ઓફિસ પર સુનામીની શક્યતા :&nbsp;
ગુરુવારે ફિલ્મની સત્તાવાર રિલીઝ સાથે જ બોક્સ ઓફિસ પર અનેક નવા રેકોર્ડ સર્જાવાની પૂરેપૂરી શક્યતા છે. ક્રિટિક્સ અને ટ્રેડ એનાલિસ્ટ્સના મતે, ફિલ્મનું ફર્સ્ટ ડે કલેક્શન ઐતિહાસિક હોઈ શકે છે. જોકે ટેકનિકલ કારણોસર થયેલા વિલંબથી થોડો હોબાળો થયો હતો, પરંતુ રિફંડની પ્રક્રિયા બાદ પ્રેક્ષકોનો ઉત્સાહ યથાવત છે.&nbsp;

આદિત્ય ધરની ધુરંધર 2 એ રિલીઝ પહેલા જ પ્રીવ્યૂ શોમાં 35 કરોડથી વધુ કમાણી કરીને ઈતિહાસ રચ્યો

March 19, 2026 | 14:18 IST