ધનુષ-મૃણાલ લગ્નની અટકળો તેજ

બોલિવૂડ અને સાઉથ ફિલ્મ ઇન્ડસ્ટ્રીમાં હાલ એક જોડીના સંબંધોની ચર્ચા ખૂબ તેજ છે. અભિનેત્રી મૃણાલ ઠાકુર અને સાઉથ સુપરસ્ટાર ધનુષ વચ્ચેના અફેરની અફવાઓ લાંબા સમયથી ચાલી રહી છે. હવે મીડિયા રિપોર્ટ્સમાં દાવો કરવામાં આવી રહ્યો છે કે બંનેનો સંબંધ ગંભીર તબક્કે પહોંચી ગયો છે અને તેઓ ટૂંક સમયમાં લગ્ન કરી શકે છે.

શું છે તાજા રિપોર્ટ્સ?

‘ફ્રી પ્રેસ જર્નલ’ના અહેવાલ મુજબ, મૃણાલ અને ધનુષ વેલેન્ટાઇન ડે (14 ફેબ્રુઆરી 2026) પર લગ્ન કરી શકે છે. આ લગ્ન અત્યંત ખાનગી રાખવામાં આવશે, જેમાં માત્ર પરિવારના સભ્યો અને નજીકના મિત્રો જ હાજર રહેશે. જોકે, બંને તરફથી હજુ સુધી આ અંગે કોઈ સત્તાવાર પુષ્ટિ નથી થઈ.

મૃણાલનો અગાઉનો ખંડન

ભૂતકાળમાં જ્યારે આ અફવાઓ ઉડી ત્યારે મૃણાલે તેનું ખંડન કર્યું હતું. ‘ઓન્લી કોલીવુડ’ને આપેલા ઇન્ટરવ્યુમાં તેણે કહ્યું હતું કે ધનુષ માત્ર સારો મિત્ર છે અને આવી અફવાઓ રમુજી લાગે છે. તાજેતરમાં જ્યારે ધનુષ ચેન્નાઈથી ખાસ મુંબઈ આવીને ‘સન ઓફ સરદાર 2’ના સ્પેશિયલ સ્ક્રીનિંગમાં હાજર રહ્યા ત્યારે પણ અટકળો તેજ બની હતી. મૃણાલે સ્પષ્ટ કર્યું હતું કે અજય દેવગણે ધનુષને આમંત્રણ આપ્યું હતું, તેથી ખોટો અર્થ ન કાઢવો જોઈએ.

ધનુષનું અંગત જીવન

 ધનુષના અગાઉ સુપરસ્ટાર રજનીકાંતની પુત્રી ઐશ્વર્યા રજનીકાંત સાથે લગ્ન થયા હતા. 2022માં 18 વર્ષના લગ્નજીવન બાદ બંને અલગ થયા હતા. તેમને બે પુત્રો છે અને તેઓ સહ-માતાપિતા તરીકે જવાબદારી નિભાવી રહ્યા છે.

સોશિયલ મીડિયા પર ચર્ચા

સોશિયલ મીડિયા પર #DhanushMrunalWedding, #ValentinesDayWedding અને #DhanushMrunal જેવા હેશટેગ સાથે અટકળો તેજ છે. ઘણા ફેન્સ આ જોડીને પસંદ કરી રહ્યા છે અને લગ્નની શુભેચ્છાઓ પાઠવી રહ્યા છે, જ્યારે કેટલાક કહી રહ્યા છે કે "આ માત્ર અફવા જ છે". હજુ સુધી બંને તરફથી કોઈ પુષ્ટિ નથી થઈ.

આ ખાનગી લગ્નની અટકળો ખરેખર સાચી નીવડશે કે નહીં, તેના માટે ફેબ્રુઆરી સુધી રાહ જોવી પડશે.  #Dhanush #MrunalThakur #ValentinesDayWedding