અવાસ્તવિક ‘ભ્રમ’ની વાસ્તવિક સસ્પેન્શ રોમાંચક મૂવી

શુક્રવાર ૨૩મી મે ના રોજ મુખ્ય ચાર પાત્રો માયા- એક ડિમેન્શિયા (સ્મૃતિભ્રંશ) વ્યક્તિ, તેની પૂત્રી શ્રધ્ધા, માયાના કેર ટેકર મેહુલ, અને ઇન્સપેક્ટર રાકેશને લઇને ગુજરાતના ચલચિત્ર પટ પર ભ્રમ (BHRAM) પ્રસ્તૂત થયું; આ ચાર પાત્રોને ઇર્દ ગીર્દ ફરતી એક ક્રાઇમ, સસ્પેન્શ વાર્તા છે.

 

સામાન્ય રીતે તમે કોઇ ક્રાઇમ સ્ટોરી જુઓ  તો તેમા ઘણા Twist & Turns આવે, જે તમને રોમાંચ જગાડે, આશ્ચાર્ય પમાડે, આઘાત કે ડરનો એહસાસ કરાવે. લાગે છે કે ભ્રમના (BHRAM) લેખક – ડિરેક્ટર પલ્લવ પારીખે ગુજરાતી દર્શકોની માનસિક્તા સમજી ચિત્રમાં વધુ Twist & Turns આપવાનુ ટાળીને, સીધી અને સરળ રીતે ક્રાઇમ સ્ટોરી રજૂ કરી છે, છતાં તે રોમાંચ જગાડી જાય છે, દર્શકને વિચાર કરતાં કરી દે છે કે નોકર આકૃતનું ખૂન કર્યું, તો કોણે કર્યું?

 

ડિમેન્શિયાના દર્દી માયા (સોનાલી લેલે દેસાઇ)ના ઘરમાં નોકર આકૃત નું ખૂન થાય છે. પોલિસ ઇન્સપેકટર રાકેશ તેમના સાથી કોનસ્ટેબલ દેસાઇ સાથે તપાસમાં આવે છે. ત્યારે કેર ટેકર મેહુલ (મિત્ર ગઢવી) માયાના સ્મૃતીભ્રંશની વાત પોલિસને કહે છે. આ scene થી ચલચિત્ર ટેકઓફ કરે છે.

 

જે રીતે આકૃતનૂ ખૂન રીવીલ થાય છે, અને પછી તપાસના તાણાવાણામાં ઇન્સપેક્ટર રાકેશ અટવાતા જાય છે, પ્લોટની ગૂંથણી કેવી સરસ છે, તે તમે સિનેમા હોલ માં બેસી જોશો ત્યારે જ સમજાશે.

 

મિત્ર ગઢવી (કેર ટેકર મેહુલ), સોનાલી લેલે દેસાઇ (માયા),  નિશમા સોની (શ્રધ્ધા) અને અભિનય બેન્કર (ઇન્સપેક્ટર રાકેશ)એ પાત્રોને પડદા ઉપર જીવંત કરી દિધા, ચારેય મુખ્ય અદાકારોએ તેમના પાત્રોને સંપૂર્ણ ન્યાય આપી પૈસા વસૂલ કરાવે છે.

 

ખાસ શબ્દો મિત્ર ગઢવી માટેઃ

 

આ ચલચિત્રમાં કેર ટેકર મેહુલના પાત્રને છેક છેલ્લી ઘડી સુધી જે રીતે મિત્ર ગઢવીએ પકડી રાખ્યું છે, તે અણસાર વધુ મજબૂત કરે છે, Mitra Gadhvi એક Versatile Actor છે, ને આવનારા વરસોમાં તે ગુજરાતી ચલચિત્રો માં એક   Dark Horse સાબિત થશે.

 

Background Score

 

જો લેખન, ડાયરેક્શન, અદાકારોની અદાકારી વિશે વાત કરીએ અને Background Score એટલે music ની વાત ન કરીએ તો સમગ્ર ચલચિત્રને અન્યાય થશે. Music composer દર્શન શાહે અદભુત મ્યુઝીક આપી સસ્પેન્શમાં ઉત્તેજના ભરી દિધી છે. તેમાં પણ માયાના રૂમ નો દરવાજો ચરરરરરરરર અવાજની સાથે ખૂલે છે, ત્યારે Darshan Shahનું composed મ્યુઝીક હિન્દી ચલચિત્રમાં ૭૦ અને ૮૦ના દાયકામાં Horror મૂવી બનાવવા માટે ખ્યાતનામ રામશે બ્રધર્શની યાદ અપાવી જાય છે. હા, એક વસ્તુ એવી પણ બની છે કે ૨ થી ૩ sceneમાં મ્યૂઝીક લાઉડ થઇ જવાના કારણે, દર્શકના કર્ણ તેના તરફ ખેંચાય જાય છે અને scene અને ડાયલોગથી ભટકી શકે.

 

શું ટાળી શક્યાં હોત?

 

એક અદભુત ચલચિત્ર છે તેમાં કોઇ શક નથી. પરંતૂ આટલુ ટાળી પણ શક્યા હોત, જેમ કે ઇન્સપેક્ટર રાકેશના ગંદા ઇશારા, પોલિસ કમિશ્નરના મુખેથી ગાળ, ઇન્સપેક્ટર રાકેશની બાળકી પર હાથ ઉપાડવાની ઘટના, લેખકના કેટલાક ડાયલોગ અને સીન દર્શક predict કરી શક્યા, તેનાથી બચી શક્યાં હોત, તો તે વધુ રોમાંચ પેદા કરી શક્યાં હોત.

 

આ અદાકારનો વધુ સારો ઉપયોગ કરી શક્યા હોત.

 

RJ Devaki, ખૂબ સારા કલાકાર છે, તેમણે ખાસ મહેમાન કલાકાર તરીકે એક દ્રશ્ય આપ્યું છે, રેખાના અનૈતિક સંબંધ બતાવવા જ હતાં, તો કલાકારની શક્તિઓનો વધુ સારો ઉપયોગ કરી, twist વધુ સ્ટ્રોંગ રીતે રજૂ કરી શક્યા હોત.

 

દર્શકો માટેઃ

 

રોજ દાળ-ભાત (કોમેડી), કઢી-ખીચડી (લવ સ્ટોરી) ખાઇને થી જોઇ થાક્યાં હો તો પણ અને ન થાકયાં હોય તો પણ સારા મનોરંજન માટે, ગુજરાતી ચલચિત્રમાં નિર્દોષ ક્રાઇમ થ્રીલર picture બનતા રહે, લેખક, ડિરેક્ટર, પ્રોડ્યુસર આવા ચિત્રો બનાવતા રહે, તેને પ્રોત્સાહન આપવા આ ચિત્ર સિનેમા હોલ માં જઈ ને જ જોવું જોઇએ.

 

 Rating: 4.5/5