સૈફ અલી ખાન પર હુમલો કર્યા બાદ, હુમલાખોર બાંદ્રા રેલ્વે સ્ટેશન પાસે જોવા મળ્યો હતો

મુંબઈ: સૈફ અલી ખાન પર થયેલા હુમલાની તપાસ કરી રહેલી પોલીસ હવે ઘણા મોટા ખુલાસા કરી રહી છે. આ સંદર્ભમાં પોલીસે એક મોટો દાવો કર્યો છે. જે મુજબ અભિનેતા પર હુમલો કર્યા પછી ચોર બાંદ્રા રેલ્વે સ્ટેશનની આસપાસ જોવા મળ્યો હતો. મુંબઈ પોલીસની ટીમો વસઈ, નાલાસોપારા અને પાલઘર જિલ્લાના અન્ય વિસ્તારોમાં તેને શોધી રહી છે.

અગાઉ પણ, પોલીસને આ હુમલા સંબંધિત એક સીસીટીવી ફૂટેજ મળ્યું હતું, જેમાં હુમલાખોર અભિનેતાના મકાનમાં પ્રવેશતો જોવા મળ્યો હતો. પોલીસને આ સંદર્ભમાં બે સીસીટીવી ફૂટેજ મળ્યા હતા. પરંતુ, પોલીસે પોતાના નિવેદનમાં સ્પષ્ટ કર્યું હતું કે, અત્યાર સુધી મળેલા તમામ સીસીટીવી ફૂટેજના આધારે, ચોર વિશે કંઈપણ શોધવાનું મુશ્કેલ છે.

આ સાથે, પોલીસે પોતાના નિવેદનમાં એમ પણ કહ્યું કે અભિનેતાના મકાનમાં અથવા તેની આસપાસ કોઈ સુરક્ષા પગલાં લેવામાં આવ્યા નથી. ઇમારતની આસપાસ ન તો ગાર્ડ તૈનાત કરવામાં આવ્યા હતા કે ન તો સીસીટીવી ફૂટેજ લગાવવામાં આવ્યા હતા, જેનાથી કોઈની પણ ગતિવિધિઓ પર નજર રાખવામાં મદદ મળી શકે. આ કારણે, આ ઘટના અંગે કંઈપણ જાણવાનું મુશ્કેલ બની રહ્યું છે.

પોલીસે પોતાના નિવેદનમાં કહ્યું કે જે રીતે અભિનેતા પર હુમલો કરવામાં આવ્યો તે સ્પષ્ટપણે દર્શાવે છે કે હુમલાખોર અભિનેતાના ઘરથી સારી રીતે વાકેફ હતો. હુમલાખોરે 11મા માળે પહોંચવા માટે સીડીનો ઉપયોગ કર્યો હતો.

બીજી તરફ એવું પણ સામે આવ્યું છે કે સૈફ પર હુમલો કરનાર આરોપીએ શાહરૂખ ખાનના ઘરની રેકી પણ કરી હતી. સૂત્રોના જણાવ્યા અનુસાર, હુમલાખોરે પહેલા શાહરૂખ ખાનના ઘરની આસપાસ રેકી કરી હતી. મહત્વનું છે કે, બાંદ્રા પોલીસે એક સંદિગ્ધની અટકાયત કરી છે. તેમજ પોલીસ મથકમાં સંદિગ્દ આરોપીની પૂછપરછ કરવામાં આવી રહી છે. 

—IANS