આમિર ખાનની 'સિતારે ઝમીન પર'ની ધીમી શરૂઆત બાદ વિકેન્ડમાં ચમકી

આમિર ખાનની 'તારે ઝમીન પર' ફિલ્મની સફળતા પછી હવે તેની આધ્યાત્મિક સિક્વલ 'સિતારે ઝમીન પર' આવી છે. આ ફિલ્મમાં આમિર ખાન એક બાસ્કેટબોલ કોચની ભૂમિકામાં છે જે બૌદ્ધિક વિકલાંગ ખેલાડીઓની ટીમને તાલીમ આપે છે. 

ફિલ્મની પ્રથમ દિવસીય કમાણી: 

આમિર ખાનની ફિલ્મ 'સિતારે ઝમીન પર'ની પ્રથમ દિવસની બોક્સ ઓફિસની કમાણી રૂ. 10.7 કરોડ હતી જે આ વર્ષની અન્ય ઓપનિંગ હિટ કરતાં ઘણી ઓછી હતી. આ વર્ષની સૌથી મોટી ફિટ ફિલ્મ છાવાની પ્રથમ દીવસની કમાણી રૂ. 31 કરોડની હતી. ફિલ્મ છાવાની સરખામણીએ 'સિતારે ઝમીન પર'ની શરૂઆત ઘણી ઠંડી ગણાવી શકાય. 

ફિલ્મની પ્રથમ વિકેન્ડ કમાણી: 

શરૂઆત ઠંડી હોવા છતાં વિકેન્ડ કમાણીમાં ફિલ્મે જોર પકડયું હતું. 'સિતારે ઝમીન પર' ફિલ્મે શનિવારે રૂ. 20.2 કરોડની કમાણી કરી હતી અને રવિવારે રૂ. 29.22 કરોડની કમાણી કરી હતી. વિકેન્ડ ઉપર આ ફિલ્મની કમાણી ક્રમશઃ  88.79 % અને 44.65% જેટલી આગળ વધી હતી. 
 
ફિલ્મના પોઝિટિવ રિવ્યુ બાદ વધુ ઓડિયન્સ આકર્ષણ જોવા મળી રહ્યું છે. આ ફિલ્મ હિન્દી, તમિલ અને તેલુગુ એમ 3 ભાષામાં રજૂ થઈ છે  હિન્દી ભાષામાં ફિલ્મે 50% જેટલી ઓડિયન્સ આકર્ષી છે જ્યારે તમિલમાં 41.59% અને તેલુગુમા 21.92% ઓડિયન્સનો ધસારો જોવા મળ્યો છે.