રાધે ભૈયા ઇઝ બેક: 23 વર્ષ પછી પણ પબ્લિક ક્રેઝી!

બોલિવૂડના દબંગ સલમાન ખાનની કારકિર્દીની સૌથી યાદગાર ફિલ્મોમાંની એક 'તેરે નામ' એ ફરી એકવાર સિનેમાઘરોમાં સાબિત કરી દીધું છે કે 'રાધે ભૈયા' માટેનો ક્રેઝ સમય સાથે ઓછો થયો નથી.

23 વર્ષ બાદ થિયેટરોમાં ફરી રજૂ થયેલી આ કલ્ટ ક્લાસિક ફિલ્મે પહેલા વીકેન્ડમાં અદભૂત કલેક્શન કરીને ટ્રેડ એનાલિસ્ટ્સને પણ ચોંકાવી દીધા છે.

સલમાનનો સ્વેગ

રસપ્રદ વાત એ છે કે રવિવારે ભારત અને વેસ્ટ ઈન્ડિઝ વચ્ચે ટી-20 વર્લ્ડ કપની મહત્વની મેચ હોવા છતાં, સલમાન ખાનના ફેન્સ મોટી સંખ્યામાં સિનેમાઘરોમાં પહોંચ્યા હતા. સામાન્ય રીતે મોટી મેચના દિવસે ફિલ્મોની કમાણી ઘટી જતી હોય છે, પરંતુ 'તેરે નામ' ના કિસ્સામાં ઉલટું જોવા મળ્યું. શુક્રવાર અને શનિવાર કરતા રવિવારે ફિલ્મની કમાણીમાં વધુ ઉછાળો જોવા મળ્યો હતો.

રિપોર્ટ્સ અનુસાર, 27 ફેબ્રુઆરીએ રી-રિલીઝ થયેલી 'તેરે નામ' એ પહેલા દિવસે ₹23 લાખની ઓપનિંગ કરી હતી. શનિવારે આ આંકડો વધીને ₹25 લાખ થયો અને રવિવારે ફિલ્મે ₹27 લાખનું શાનદાર કલેક્શન કર્યું. આમ, માત્ર ત્રણ દિવસમાં જ ફિલ્મે ₹75 લાખની કમાણી કરી લીધી છે.

ભલે આ આંકડો આજની નવી ફિલ્મોની સરખામણીએ નાનો લાગે, પરંતુ બે દાયકા જૂની ફિલ્મ માટે રી-રિલીઝમાં આટલું કલેક્શન મળવું એ એક મોટી સિદ્ધિ છે.

અધૂરી પ્રેમ કહાનીનો જાદુ

સતીશ કૌશિક દ્વારા દિગ્દર્શિત 'તેરે નામ' એ સલમાન ખાનને એક અલગ ઓળખ અપાવી હતી. રાધે અને નિર્જરા (ભૂમિકા ચાવલા)ની કરુણ પ્રેમકથા આજે પણ લોકોના હૃદયને સ્પર્શી જાય છે. ફિલ્મમાં સલમાનની હેરસ્ટાઇલથી લઈને સંગીત સુધી બધું જ સુપરહિટ રહ્યું હતું. આ ફિલ્મ તમિલ ફિલ્મ 'સેથુ'ની રિમેક છે, જે ડાયરેક્ટર બાલાના એક મિત્રના જીવનની સાચી ઘટના પર આધારિત છે.

થિયેટરોમાં ઓછી સ્ક્રીન હોવા છતાં, મલ્ટીપ્લેક્સ અને સિંગલ સ્ક્રીન બંને જગ્યાએ જૂની પેઢીની સાથે નવી પેઢીના યુવાનો પણ 'રાધે ભૈયા' ને મોટા પડદે જોવા માટે ઉમટી રહ્યા છે. આ તેજી જોતા લાગે છે કે સલમાન ખાનનો સ્ટાર પાવર આજે પણ અજોડ છે.

આ મૂવીના સોન્ગ્સ પણ લોકોના પ્લેલિસ્ટમાં હજી જોવા મળે છે.  મૂળ ફિલ્મે 2003માં આશરે ₹145 કરોડની કમાણી કરી હતી, જેનું બજેટ લગભગ ₹10 કરોડ હતું.

હવે, ફરીથી રિલીઝ થવાથી તેના કુલ કલેક્શનમાં વધારો થઈ રહ્યો છે. તાજેતરના વર્ષોમાં, "સનમ તેરી કસમ" અને "તુબ્બાદ" જેવી જૂની ફિલ્મોની ફરીથી રિલીઝે સારું પ્રદર્શન કર્યું છે.

જો "તેરે નામ" અઠવાડિયાના દિવસો અને આગામી સપ્તાહના અંતે સારું પ્રદર્શન કરતી રહે, તો તે થિયેટરોમાં લાંબો સમય ચાલી શકે છે. ચાહકો તેને ફરીથી જોવાનો આનંદ માણી રહ્યા છે. સલમાન ખાનના "રાધે" ના પાત્રે તેને કલ્ટ ક્લાસિક બનાવ્યું છે.