લાલો' બની 100 કરોડનો આંકડો પાર કરનારી પ્રથમ ફિલ્મ

ભક્તિમય કથા પર આધારિત સુપરહિટ ફિલ્મ 'લાલો - કૃષ્ણ સદા સહાયતે' (Laalo - Krishna Sada Sahaayate) એ બોક્સ ઓફિસ પર ઇતિહાસ રચી દીધો છે. ગુજરાતી ફિલ્મ ઉદ્યોગ માટે આજનો દિવસ સુવર્ણ અક્ષરે લખાશે કારણ કે એક અકલ્પનીય સિદ્ધિ હાંસલ થઈ છે. આ ફિલ્મ વિશ્વભરમાં 100 કરોડ રૂપિયાનું ગ્રોસ કલેક્શન કરનારી સૌપ્રથમ ગુજરાતી ફિલ્મ બની ગઈ છે, જેની કલ્પના કદાચ અત્યાર સુધી ઇન્ડસ્ટ્રીમાં કોઈએ કરી ન હતી. દર્શકોના અપાર પ્રેમ અને જબરદસ્ત 'માઉથ પબ્લિસિટી' ના જોરે આ ફિલ્મ ગુજરાત અને વિશ્વભરના ગુજરાતીઓ વચ્ચે એક સાંસ્કૃતિક લહેર બની ગઈ છે.

'લાલો'એ 100 કરોડનો આંકડો પાર કર્યો

સેકનિલ્કના જણાવ્યા પ્રમાણે, થિયેટરોમાં રિલીઝ થયાના 50 દિવસો બાદ, 'લાલો'એ માત્ર ભારતમાં જ 94.6 કરોડની જંગી કમાણી કરી છે, જે તેને અત્યાર સુધીની સૌથી વધુ કમાણી કરનારી ગુજરાતી ફિલ્મ બનાવે છે. તાજેતરમાં આંતરરાષ્ટ્રીય બજારોમાં રિલીઝ થયા બાદ, ઓવરસીઝ કલેક્શનમાંથી તેમાં 5.90 કરોડનો ઉમેરો થયો છે. આ સાથે ફિલ્મનું કુલ કલેક્શન આજે 100.5 કરોડ થઈ ગયું છે. આ સાથે જ 'લાલો' 100 કરોડનો આંકડો પાર કરનારી પ્રથમ ગુજરાતી ફિલ્મ બની ગઈ છે. ગુજરાતી ફિલ્મ ઉદ્યોગના સીમિત બજાર અને પ્રેક્ષકોના મર્યાદિત વર્ગને ધ્યાનમાં રાખતા આ સિદ્ધિ અત્યંત મહત્વપૂર્ણ ગણવામાં આવે છે. સાતમા અઠવાડિયામાં પણ ફિલ્મની લોકપ્રિયતા અકબંધ છે અને તે કૌટુંબિક દર્શકો તથા ભક્તોને થિયેટર સુધી ખેંચી લાવવામાં સફળ રહી છે. 'લાલો' ની આ ભવ્ય સફળતાએ માત્ર બોક્સ ઓફિસના નવા માપદંડો જ નથી સ્થાપ્યા, પરંતુ ગુજરાતી સિનેમાની વૈશ્વિક ક્ષમતા અને નવી શક્યતાઓ પણ ઉજાગર કરી છે.

અપડેટ્સ: બોક્સ ઓફિસ પર ધૂમ, સોશિયલ મીડિયા પર વાયરલ

• સર્વાધિક કમાણી: 5 કરોડના બજેટમાં બનેલી આ ફિલ્મે 12080% પ્રોફિટ કમાવ્યા છે, જે ગુજરાતી સિનેમાના રેકોર્ડને તોડી દીધા છે. તે અજય દેવગણની 'દે દે પ્યાર દે' અને ફરહાન અખ્તરની '120 બહાદુર' જેવી બોલિવુડ ફિલ્મોને પણ પાછળ છોડી છે.
• વિદેશી કલેક્શન: તાજેતરમાં USA, UK અને કેનેડા જેવા બજારોમાં રિલીઝ થયા પછી 5.5 કરોડનો વધારો થયો, જેમાંથી કુલ 99 કરોડથી આગળ વધીને 100 કરોડ પાર થયા.
• સોશિયલ મીડિયા ટ્રેન્ડ: X (ટ્વિટર) પર #Laalo100Crore ટ્રેન્ડિંગ છે, જ્યાં ફેન્સ લખે છે, “ગુજરાતી સિનેમાનો ગૌરવ!” યુટ્યુબ પર એક્સક્લુસિવ ઇન્ટરવ્યુ વાયરલ, જેમાં સ્ટાર કાસ્ટે સફળતાની વાત કરી.
• ભવિષ્યની યોજનાઓ: ફિલ્મના ડિરેક્ટર અંકિત સખિયાએ કહ્યું, “આ ભક્તિ અને ભાવનાઓની જીત છે. આગામી પ્રોજેક્ટ્સમાં વધુ ગુજરાતી કન્ટેન્ટ પર ફોકસ.”

ફિલ્મ 'લાલો' વિશે

અંકિત સખિયા દ્વારા દિગ્દર્શિત આ ફિલ્મનું નિર્માણ આરડી બ્રધર્સ મૂવીઝ, મેનિફેસ્ટ ફિલ્મ્સ અને સોલ સૂત્ર દ્વારા કરવામાં આવ્યું છે. ફિલ્મમાં કરણ જોશી, રીવા રાચ્છ, શ્રુહદ ગોસ્વામી, અંશુ જોશી અને કિન્નલ નાયક જેવા કલાકારોએ મુખ્ય ભૂમિકા ભજવી છે, જેમના અભિનયના દર્શકો દ્વારા ભારે વખાણ થઈ રહ્યા છે. IMDb પર 8.6/10 રેટિંગ મળી છે, જે તેને ફેમિલી ડ્રામા તરીકે લોકપ્રિય બનાવે છે.

આ વિદ્ધિ ગુજરાતી સિનેમાને નવી ઊંચાઈઓ આપે છે, અને ફેન્સ કહે છે, “ભગવાન કૃષ્ણની કૃપા જેવું!”