Spain Longest Winning Streak In International Cricket: ફૂટબોલની દુનિયામાં પોતાની આગવી ઓળખ ધરાવતા સ્પેને હવે ક્રિકેટના મેદાનમાં પણ મોટો ધમાકો કર્યો છે. સ્પેન ક્રિકેટ ટીમે સતત 24 આંતરરાષ્ટ્રીય મેચ જીતીને ઓસ્ટ્રેલિયાનો લાંબા સમયથી ચાલતો રેકોર્ડ તોડી નાખ્યો છે. 2026ના ICC મેન્સ T20 વર્લ્ડ કપ યુરોપ સબ-રીજનલ ક્વોલિફાયર દરમિયાન સ્પેને પોતાની વિજયી સફરને વધુ આગળ ધપાવી આ ઐતિહાસિક સિદ્ધિ મેળવી છે.
ફિનલેન્ડ સામે જીત સાથે શરૂ થયો રેકોર્ડ તોડવાનો સિલસિલો સ્પેન માટે આ ઐતિહાસિક સફર 14 ઓગસ્ટે ફિનલેન્ડ સામેની મેચથી વધુ ચર્ચામાં આવી. કેરાવા નેશનલ ક્રિકેટ ગ્રાઉન્ડ પર રમાયેલી મેચમાં સ્પેને ફિનલેન્ડને 8 વિકેટે હરાવ્યું હતું. ફિનલેન્ડે 20 ઓવરમાં 131/9 રન બનાવ્યા હતા, જેના જવાબમાં સ્પેને 16.4 ઓવરમાં 135/2 રન બનાવી મેચ જીતી લીધી હતી. આ જીત સાથે સ્પેને સતત 21મી આંતરરાષ્ટ્રીય જીત નોંધાવીને ઓસ્ટ્રેલિયાના 20 સતત વિજયના રેકોર્ડને પાછળ છોડી દીધો હતો. ત્યારબાદ આઇલ ઓફ મેન, લક્ઝમબર્ગ અને બલ્ગેરિયા સામેની જીતે આ સિલસિલો 24 મેચ સુધી પહોંચાડ્યો.
23 વર્ષથી અડીખમ હતો ઓસ્ટ્રેલિયાનો રેકોર્ડ સ્પેન પહેલાં સતત સૌથી વધુ આંતરરાષ્ટ્રીય મેચ જીતવાનો રેકોર્ડ ઓસ્ટ્રેલિયાના નામે હતો. 2003માં સ્ટીવ વો અને રિકી પોન્ટિંગની આગેવાની હેઠળ ઓસ્ટ્રેલિયાએ 20 સતત આંતરરાષ્ટ્રીય મેચ જીતી હતી. આ વિજયી સફરમાં ODI વર્લ્ડ કપ સહિતની મહત્વપૂર્ણ મેચો સામેલ હતી. હવે 23 વર્ષ બાદ સ્પેનની ટીમે આ ઐતિહાસિક રેકોર્ડ તોડી નાખ્યો છે. ક્રિકેટના પરંપરાગત દિગ્ગજ દેશોની યાદીમાં ન આવતું સ્પેન આ રીતે વિશ્વ ક્રિકેટના રેકોર્ડ બુકમાં સીધું ટોચનું સ્થાન મેળવી ગયું છે.
2023થી સતત વિજય, ત્રણ વર્ષથી અણનમ સ્પેનની આ સફળતા કોઈ એક ટુર્નામેન્ટ પૂરતી મર્યાદિત નથી. ટીમની સતત જીતનો સિલસિલો 2023થી ચાલી રહ્યો છે અને 2026માં પણ તેનો દબદબો યથાવત છે. ખાસ કરીને T20I ક્રિકેટમાં સ્પેને છેલ્લા કેટલાક વર્ષોમાં જબરદસ્ત પ્રગતિ કરી છે. સ્પેનને હજુ ટેસ્ટ અને ODI ક્રિકેટમાં સંપૂર્ણ સભ્ય દેશો જેવી સ્થિતિ પ્રાપ્ત નથી, પરંતુ T20 આંતરરાષ્ટ્રીય ક્રિકેટમાં ટીમે પોતાની ક્ષમતા સાબિત કરી છે.
T20 વર્લ્ડ કપ 2028 માટે પણ મોટો દાવ હાલ સ્પેન ICC મેન્સ T20 વર્લ્ડ કપ 2028 યુરોપ ક્વોલિફિકેશન માટેની પ્રક્રિયામાં ભાગ લઈ રહ્યું છે. ફિનલેન્ડમાં યોજાઈ રહેલા યુરોપ સબ-રીજનલ ક્વોલિફાયર Cમાં 10 ટીમો ભાગ લઈ રહી છે. ટુર્નામેન્ટનો વિજેતા 2027ના યુરોપ ક્વોલિફાયર માટે આગળ વધશે અને ત્યારબાદ 2028ના T20 વર્લ્ડ કપના ગ્લોબલ ક્વોલિફાયર સુધી પહોંચવાની તક મળશે.
ભારત ક્યાં છે? સતત આંતરરાષ્ટ્રીય જીતની વાત કરીએ તો ભારત પણ આ યાદીમાં પાછળ નથી. ટીમ ઇન્ડિયાએ અલગ-અલગ સમયગાળામાં સતત 12-12 આંતરરાષ્ટ્રીય મેચ જીતવાનો રેકોર્ડ બનાવ્યો છે. જોકે, સ્પેનની હાલની 24 મેચની વિજયી કૂચ ભારતના આ આંકડા કરતાં બમણી છે. યુગાન્ડાએ પણ 2024-25 દરમિયાન સતત 17 મેચ જીતીને શાનદાર રેકોર્ડ બનાવ્યો હતો. હવે સ્પેને આ તમામ ટીમોને પાછળ છોડીને સતત આંતરરાષ્ટ્રીય જીતના નવા માપદંડને સ્થાપિત કર્યો છે.
ફૂટબોલના દેશનો ક્રિકેટમાં પણ જલવો સ્પેનને દુનિયા મુખ્યત્વે ફૂટબોલ માટે ઓળખે છે, પરંતુ હવે Spain Cricket Teamનું નામ પણ આંતરરાષ્ટ્રીય ક્રિકેટના રેકોર્ડમાં ગુંજી રહ્યું છે. સતત 24 જીત બાદ સ્પેને સાબિત કરી દીધું છે કે ક્રિકેટમાં પણ તે ઝડપથી પોતાની મજબૂત ઓળખ બનાવી રહ્યું છે. તેની વિજયી સફર હજુ ચાલુ હોવાથી હવે સૌથી મોટો સવાલ એ છે કે સ્પેનનો આ વિજય રથ ક્યાં જઈને અટકશે?

24મી જીત સાથે સ્પેને તોડ્યો ઓસ્ટ્રેલિયાનો 23 વર્ષ જૂનો રેકોર્ડ

20 अगस्त 2026 | 18:29 IST

त्वरित लिंक

लोकप्रिय श्रेणियां

वेब पर हॉट

20 अगस्त 2026 | 18:29 IST

ट्रेंडिंग न्यूज़

समाचार पत्रिका

त्वरित लिंक

लोकप्रिय श्रेणियां

वेब पर हॉट