Vadodara Love Jihad Case: વડોદરા જિલ્લાના કરજણ તાલુકાના કિયા ગામના યુવક અને જંબુસરની એક યુવતીને લઈને ચોંકાવનારો મામલો સામે આવ્યો છે. યુવતી ગુમ થયા બાદ તેના પરિવારને જાણ થઈ કે તેણે યુવક સાથે કોર્ટ મેરેજ કર્યા હોવાનું કહેવાય છે. ત્યારબાદ પોલીસ સમક્ષ રજૂ કરાયેલા લગ્ન સર્ટિફિકેટની ખરાઈ કરવામાં આવતા વડોદરાના કુબેર ભવન સ્થિત સંબંધિત કચેરીના રેકોર્ડમાં આવા લગ્નની નોંધ જ ન હોવાનું સામે આવ્યું છે. આ મામલે જંબુસર પોલીસે યુવતીના પિતાની ફરિયાદના આધારે યુવક સામે ગુનો નોંધી તેની ધરપકડ કરી છે.
યુવતીનો પરિવારને ફોન, કહ્યું- &lsquo;મેં કોર્ટ મેરેજ કરી લીધા છે&rsquo; મળતી માહિતી મુજબ, જંબુસરની યુવતી BHMSનો અભ્યાસ કરી ચૂકી છે અને વડોદરામાં રહીને ગોત્રીની એક હોસ્પિટલમાં નોકરી કરતી હતી. 7 મેના રોજ સાંજે યુવતીએ પરિવારને ફોન કરીને પોતે કોર્ટ મેરેજ કરી લીધા હોવાનું જણાવ્યું હતું. પરિવારના જણાવ્યા મુજબ, યુવતીએ ફોન પર કહ્યું હતું કે હવે તે ઘરે પરત નહીં આવે. સાથે જ તેણે પોતાની પાસે પરિવારનો આશરે 6 તોલાનો સોનાનો હાર હોવાનું પણ જણાવ્યું હતું અને બે મહિના બાદ હાર પરત આપવાની વાત કરી હતી.
પરિવારની શોધખોળ બાદ પોલીસમાં ગુમ થયાની ફરિયાદ યુવતી સાથે સંપર્ક કરવાનો પરિવારજનોએ પ્રયાસ કર્યો હતો અને તેને ઘરે પરત આવવા સમજાવવાનો પ્રયાસ પણ કર્યો હતો. જોકે, યુવતી પરિવાર સાથે પરત આવવા તૈયાર થઈ ન હતી. આ સમગ્ર મામલે 11 મેના રોજ વડોદરાના ગોત્રી પોલીસ સ્ટેશનમાં યુવતી ગુમ થયાની ફરિયાદ નોંધાવવામાં આવી હતી. સાથે જ પરિવાર દ્વારા જંબુસર પોલીસને પણ અરજી આપવામાં આવી હતી.
&lsquo;કોર્ટ મેરેજ&rsquo;ના સર્ટિફિકેટની તપાસમાં મોટો ખુલાસો આ દરમિયાન પરિવારને જાણવા મળ્યું કે યુવતીએ કરજણ તાલુકાના કિયા ગામના ફેઝલ મજીદ દિવાન સાથે કોર્ટ મેરેજ કર્યા હોવાનું કહેવાય છે. યુવકના મામા દ્વારા આ લગ્નનું સર્ટિફિકેટ જંબુસર પોલીસ સમક્ષ રજૂ કરવામાં આવ્યું હતું. પરિવારે સર્ટિફિકેટની સત્તાવાર ખરાઈ કરાવતા સમગ્ર મામલો વધુ ગંભીર બન્યો. વડોદરાના કુબેર ભવન સ્થિત સબ-રજિસ્ટ્રાર અને લગ્ન અધિકારીની કચેરી દ્વારા 30 જૂનના રોજ આપવામાં આવેલા લેખિત જવાબમાં જણાવાયું કે રેકોર્ડની તપાસ દરમિયાન યુવક અને યુવતીના નામે 16 જૂન સુધી કોઈ લગ્ન નોંધણી મળી નથી. આ ઉપરાંત, કચેરી તરફથી આવું કોઈ લગ્ન પ્રમાણપત્ર જારી કરવામાં આવ્યું ન હોવાનું પણ સામે આવ્યું હોવાનો પરિવારનો દાવો છે. આ ખુલાસા બાદ જંબુસર પોલીસે યુવતીના પિતાની ફરિયાદના આધારે યુવક સામે કાર્યવાહી શરૂ કરી છે.
બનાવટી મેરેજ સર્ટિફિકેટ કોણે બનાવ્યું? તપાસમાં અનેક સવાલ આ કેસમાં હવે પોલીસ સામે સૌથી મોટો સવાલ લગ્ન સર્ટિફિકેટની સત્યતાનો છે. જો સર્ટિફિકેટ બનાવટી હોવાનું તપાસમાં સાબિત થાય છે તો તે કોણે તૈયાર કર્યું, તેમાં કોની મદદ હતી, સાક્ષી તરીકે કોણે સહી કરી અને કથિત સિક્કા-દસ્તાવેજો કેવી રીતે તૈયાર થયા તે અંગે તપાસ મહત્વની બની શકે છે. યુવતીના પરિવાર તરફથી કેસની ઊંડાણપૂર્વક તપાસ કરવાની માંગ કરવામાં આવી છે.
યુવતીની માતાના ગંભીર આક્ષેપ યુવતીની માતાએ આક્ષેપ કર્યો છે કે તેમની પુત્રીને પ્રેમજાળમાં ફસાવીને પરિવારથી દૂર કરવામાં આવી છે. માતાના જણાવ્યા મુજબ, પુત્રી ઘરેથી નીકળતી વખતે 6 તોલાનો સોનાનો હાર પણ સાથે લઈ ગઈ હતી અને ત્યારબાદ લાંબા સમય સુધી તેનો ફોન બંધ રહ્યો હતો. માતાએ આક્ષેપ કર્યો છે કે પુત્રીનું બ્રેનવોશ કરવામાં આવ્યું છે અને તેને પરિવારથી દૂર રાખવામાં આવી રહી છે. તેમણે પોલીસ અને સરકારને દીકરીને શોધી પરિવાર સાથે સંપર્ક કરાવવાની માંગ કરી છે.
પરિવારની SIT તપાસની માંગ યુવતીના પિતાએ સમગ્ર મામલાની તપાસ માટે SIT (Special Investigation Team)ની રચના કરવાની માંગ કરી છે. આ અંગે તેમણે વડાપ્રધાનને પત્ર લખ્યો હોવાની માહિતી સામે આવી છે. વિશ્વ હિન્દુ પરિષદના વિભાગ સહ-મંત્રી વિષ્ણુ પ્રજાપતિએ પણ આવા કિસ્સાઓમાં રજૂ થતા લગ્ન પ્રમાણપત્રોની સઘન તપાસ માટે SIT રચવાની માંગ કરી છે.
પોલીસ તપાસમાં હવે આ સવાલોના જવાબ મહત્વના જંબુસર પોલીસે યુવકની ધરપકડ કર્યા બાદ સમગ્ર મામલે તપાસ આગળ ધપાવી છે. હવે તપાસમાં ખાસ કરીને કથિત લગ્ન સર્ટિફિકેટ ક્યાંથી આવ્યું, તે કોણે તૈયાર કર્યું, યુવતી અને યુવકના લગ્ન ખરેખર થયા હતા કે નહીં, દસ્તાવેજમાં દર્શાવાયેલા સાક્ષીઓ કોણ છે અને સર્ટિફિકેટ પરની વિગતો કેવી રીતે તૈયાર થઈ જેવા સવાલોના જવાબ મેળવવાનો પ્રયાસ થશે.

સરકારી રેકોર્ડ ચેક કરતાં સામે આવ્યું ચોંકાવનારું સત્ય

20 अगस्त 2026 | 14:11 IST

त्वरित लिंक

लोकप्रिय श्रेणियां

वेब पर हॉट

20 अगस्त 2026 | 14:11 IST

ट्रेंडिंग न्यूज़

समाचार पत्रिका

त्वरित लिंक

लोकप्रिय श्रेणियां

वेब पर हॉट