Surat Diamond Fraud: સુરતમાં હીરા વેપારીઓ સાથે કરોડોની આંતરરાષ્ટ્રીય છેતરપિંડીનો મોટો પર્દાફાશ થયો છે. સુરત પોલીસના ઇકો સેલે ડાયમંડ ફ્રોડ કેસમાં મુખ્ય આરોપી નીતિનકુમાર ઉર્ફે કાનોની ધરપકડ કરી છે. આરોપીઓ અમેરિકાની જાણીતી ડાયમંડ કંપનીઓના નામે બોગસ ખરીદદાર બની સુરતના હીરા વેપારીઓ પાસેથી 5.32 લાખ US ડોલરથી વધુ કિંમતના હીરા મંગાવતા અને પેમેન્ટ કર્યા વિના ફરાર થઈ જતા હતા. પોલીસ તપાસમાં આ આંતરરાષ્ટ્રીય હીરા ઠગાઈમાં વર્ચ્યુઅલ નંબર, નકલી પ્રોફાઇલ અને વિદેશી WhatsApp એકાઉન્ટનો ઉપયોગ થયાનો ખુલાસો થયો છે.
5.32 લાખ US ડોલરના હીરા મંગાવી પેમેન્ટ કર્યા વિના ફરાર પોલીસ તપાસ મુજબ આરોપીઓ વિદેશી ડાયમંડ કંપનીઓના નામે બોગસ પ્રોફાઇલ બનાવી સુરતના હીરા વેપારીઓનો સંપર્ક કરતા હતા. વેપારીઓનો વિશ્વાસ જીત્યા બાદ છ દિવસમાં સંપૂર્ણ પેમેન્ટ કરવાની ખાતરી આપી હીરાનો જથ્થો દુબઈ અને હોંગકોંગ મોકલાવતા હતા. હીરા વિદેશ પહોંચ્યા બાદ આરોપીઓ પોતાના વર્ચ્યુઅલ મોબાઇલ નંબર, ઈમેલ અને લેપટોપ આઈડી બંધ કરી સંપર્ક તોડી નાખતા હતા.
&nbsp;
<blockquote class="twitter-tweet">
સુરત બ્રેકિંગ: હીરા ખરીદી પેમેન્ટ ન ચૂકવનારી આંતરરાષ્ટ્રીય ગેંગનો વધુ એક આરોપી ઝડપાયો! US કંપનીના ખોટા બાયર બની 5.32 લાખના હીરા દુબઈ-હોંગકોંગથી મંગાવી પેમેન્ટ ન ચૂકવવાનો આરોપ. વર્ચ્યુઅલ WhatsApp અને ગેટવે નંબરથી વેપારીઓને જાળમાં ફસાવતો હતો. આરોપી નીતિનકુમાર ઉર્ફે કાનોની ઈકો&hellip; <a href="https://t.co/LdcU6jyfdZ">pic.twitter.com/LdcU6jyfdZ</a>
&mdash; Benefit News 24 (@BenefitNews24) <a href="https://x.com/BenefitNews24/status/2090730251941027985?ref_src=twsrc%5Etfw">August 21, 2026</a></blockquote>

<script src="https://platform.x.com/widgets.js" async="" charset="utf-8"></script>

&nbsp;
ઓનલાઈન ડાયમંડ પ્લેટફોર્મ પરથી મેળવતા હતા ડેટા આંતરરાષ્ટ્રીય ડાયમંડ ફ્રોડની તપાસમાં ગેંગની સમગ્ર મોડસ ઓપરેન્ડી સામે આવી છે. આરોપીઓ હીરા ઉદ્યોગના ઓનલાઈન પ્લેટફોર્મ પરથી સુરતના ડાયમંડ વેપારીઓ અને વિદેશી કંપનીઓની માહિતી મેળવતા હતા. ત્યારબાદ જાણીતી કંપનીઓના નામ અને ઓળખનો દુરુપયોગ કરીને નકલી પ્રોફાઇલ તૈયાર કરવામાં આવતી હતી.
Virtual WhatsApp અને વિદેશી નંબરથી થતી હતી છેતરપિંડી આરોપીઓ વેપારીઓ સાથે સંપર્ક કરવા માટે Virtual Gateway, વિદેશી મોબાઇલ નંબર અને Virtual WhatsApp Accountનો ઉપયોગ કરતા હતા. શરૂઆતમાં વિશ્વાસ કેળવી હીરાનો ઓર્ડર આપવામાં આવતો અને પેમેન્ટની ખાતરી આપવામાં આવતી. પરંતુ હીરા દુબઈ અથવા હોંગકોંગ પહોંચ્યા બાદ આરોપીઓ તમામ ડિજિટલ સંપર્ક બંધ કરી દેતા હતા.
ઓક્ટોબર 2025ની ફરિયાદ બાદ પોલીસ તપાસ તેજ સુરત ઇકો સેલના ACP જી.એ. સરવૈયાના જણાવ્યા મુજબ, સુરતના હીરા વેપારીઓ પોતાની હીરાની ડિઝાઇન આંતરરાષ્ટ્રીય પ્લેટફોર્મ પર અપલોડ કરે છે. આ પ્રક્રિયાનો દુરુપયોગ કરીને આરોપીઓ વેપારીઓ સાથે છેતરપિંડી કરતા હતા. ઓક્ટોબર 2025માં નોંધાયેલી ફરિયાદ બાદ પોલીસે તપાસ શરૂ કરી હતી. આ કેસમાં નીતિનકુમાર ઉર્ફે કાનો ફરાર હતો. બાતમીના આધારે સાયબર ક્રાઇમ દ્વારા તેની ધરપકડ કરવામાં આવી હતી. ત્યારબાદ ટ્રાન્સફર ઓર્ડરના આધારે સુરત ઇકો સેલે આરોપીની કાયદેસર ધરપકડ કરી છે.
ચાર કરોડથી વધુની છેતરપિંડી, ચાર કરોડના હીરા કબજે પોલીસના જણાવ્યા મુજબ આ કેસમાં ચાર કરોડ રૂપિયાથી વધુની હીરા છેતરપિંડીની ફરિયાદ નોંધાઈ હતી. પોલીસે અત્યાર સુધીમાં આશરે ચાર કરોડ રૂપિયાના હીરા કબજે કર્યા છે. કેસમાં કુલ 7 આરોપીઓ સામે ફરિયાદ નોંધાઈ છે, જેમાંથી 5 આરોપીઓની ધરપકડ કરવામાં આવી છે.
નીતિનકુમાર ઉર્ફે કાનો ગેંગનો મુખ્ય સૂત્રધાર પોલીસ તપાસમાં નીતિનકુમાર ઉર્ફે કાનો ગેંગનો મુખ્ય સૂત્રધાર હોવાનું સામે આવ્યું છે. હવે પોલીસ તેના રિમાન્ડ મેળવીને ગેંગે અન્ય કેટલા હીરા વેપારીઓને નિશાન બનાવ્યા, કેટલા હીરા વિદેશ મોકલ્યા અને ઠગાઈથી મેળવેલા હીરા ક્યાં પહોંચાડવામાં આવ્યા તેની તપાસ કરશે. સુરત પોલીસ હવે આ International Diamond Fraud Network સાથે સંકળાયેલા અન્ય આરોપીઓ, વિદેશી સંપર્કો અને ડિજિટલ ટ્રાન્ઝેક્શનની પણ તપાસ કરી રહી છે. તપાસ આગળ વધતાં હીરા વેપારીઓ સાથે થયેલી વધુ આંતરરાષ્ટ્રીય છેતરપિંડીના કેસો સામે આવે તેવી શક્યતા છે.

સુરતમાં કરોડોની આંતરરાષ્ટ્રીય હીરા છેતરપિંડીનો પર્દાફાશ, મુખ્ય આરોપી નીતિનકુમાર ઉર્ફે કાનોની ધરપકડ

મુખ્ય આરોપી નીતિનકુમાર ઉર્ફે કાનો ઝડપાયો

21 अगस्त 2026 | 17:26 IST

त्वरित लिंक

लोकप्रिय श्रेणियां

वेब पर हॉट

21 अगस्त 2026 | 17:26 IST

ट्रेंडिंग न्यूज़

समाचार पत्रिका

त्वरित लिंक

लोकप्रिय श्रेणियां

वेब पर हॉट