આર્ટિફિશિયલ ઈન્ટેલિજન્સ (AI) ની દુનિયામાં પોતાની પકડ મજબૂત બનાવવા માટે ગૂગલે તેના લોકપ્રિય પ્લેટફોર્મ્સ જેવા કે Docs, Sheets, Slides અને Drive માં અનેક નવા અને પર્સનલાઇઝ્ડ Gemini AI ફીચર્સની જાહેરાત કરી છે.
આ નવા અપડેટ્સ દ્વારા યુઝર્સ ડેટા એન્ટ્રી, પ્રેઝન્ટેશન અને રિપોર્ટિંગ જેવા કાર્યો અત્યંત ઝડપથી કરી શકશે.
ડેટા એન્ટ્રી અને સોર્સ ટ્રેકિંગ
નવા ફીચરની સૌથી મોટી ખાસિયત એ છે કે Gemini હવે માત્ર વેબ સર્ચ પર આધારિત રહેવાને બદલે યુઝરની પોતાની ફાઈલો, ઈમેલ્સ અને ચેટ્સમાંથી માહિતી મેળવીને ડેટા એન્ટ્રીમાં મદદ કરશે.
આ ઉપરાંત, પારદર્શિતા જાળવવા માટે ગૂગલે "Sources" ટેબ પણ ઉમેર્યું છે, જેમાં Gemini જણાવશે કે તેણે કઈ ફાઈલ કે ઈમેલમાંથી માહિતી મેળવી છે.
Google Sheets અને Slides માં ક્રાંતિ
Google Sheets:
હવે યુઝર્સને જટિલ ફોર્મ્યુલા યાદ રાખવાની જરૂર નથી. માત્ર એક પ્રોમ્પટ આપીને "Drag to fill with Gemini" ફીચર દ્વારા ખાલી સેલ્સ ભરી શકાશે. આ ઉપરાંત, AI જાતે જ ડેટાનું વિશ્લેષણ કરીને કસ્ટમ ચાર્ટ્સ અને રિપોર્ટ્સ તૈયાર કરી શકશે.
Google Slides:
હવે નેચરલ લેંગ્વેજ (સામાન્ય ભાષા) નો ઉપયોગ કરીને સ્લાઈડ્સ બનાવી કે એડિટ કરી શકાશે. Gemini સ્લાઈડની સ્ટાઈલ મેચ કરશે, ડાયાગ્રામ બનાવશે અને આખી પ્રેઝન્ટેશન શૂન્યમાંથી તૈયાર કરી આપશે.
કોને મળશે આ લાભ?
આ નવા ફીચર્સ હાલમાં બીટા સ્ટેજમાં છે અને માત્ર અંગ્રેજી ભાષામાં ઉપલબ્ધ છે. હાલમાં આ સુવિધા Google AI Ultra અને Pro સબ્સ્ક્રાઇબર્સ તેમજ પસંદગીના વર્કસ્પેસ ગ્રાહકો માટે જ ઉપલબ્ધ છે. કંપનીઓ આ ફીચર્સ પર નિયંત્રણ ધરાવશે, એટલે કે વ્યક્તિગત યુઝર્સ તેને પોતાની રીતે બંધ કરી શકશે નહીં.

ગૂગલ વર્કસ્પેસમાં Gemini AIનો જાદુ

ઈમેલ અને ફાઈલોમાંથી ડેટા મેળવીને Gemini AI આપશે સચોટ જવાબો

March 11, 2026 | 14:38 IST