ડેટા ખૂટી ગયો? એરટેલના ₹39ના પ્લાનમાં મળશે 9GB

આજના સમયમાં ઈન્ટરનેટ એ પાયાની જરૂરિયાત બની ગઈ છે. ઘણીવાર એવું બને છે કે આપણો ડેઈલી ડેટા પ્લાન પૂરો થઈ જાય અને આપણે માત્ર 2-3 દિવસ માટે જ વધુ ડેટાની જરૂર હોય. આવા સમયે મોંઘા અને લાંબી વેલિડિટીવાળા પ્લાન લેવાને બદલે શું કોઈ નાનું અને સસ્તું ઓપ્શન હોઈ શકે?

ગ્રાહકોની આ જ જરૂરિયાતને સમજીને ભારતી એરટેલે એક એક્સપેરીમેન્ટલ ડેટા પેક લોન્ચ કર્યું છે, જે ટૂંકા ગાળા માટે ભરપૂર ડેટા આપે છે.

એરટેલે રજૂ કરેલો આ નવો ડેટા પેક માત્ર ₹39નો છે. આ પેકની ખાસિયત એ છે કે તેમાં ગ્રાહકને દરરોજ 3GB ડેટા મળે છે અને તેની વેલિડિટી 3 દિવસની છે. એટલે કે, માત્ર 39 રૂપિયામાં તમને કુલ 9GB હાઈ-સ્પીડ ડેટા મળશે.

જે યુઝર્સને ટ્રાવેલિંગ દરમિયાન, ગેમિંગ માટે કે હોટસ્પોટ વાપરવા માટે અચાનક વધુ ડેટાની જરૂર પડે છે, તેમના માટે આ પ્લાન આશીર્વાદરૂપ સાબિત થઈ શકે તેમ છે.

જો આપણે સરખામણી કરીએ તો, એરટેલ પાસે ₹33નો પણ એક પ્લાન છે જેમાં માત્ર 1 દિવસ માટે 2GB ડેટા મળે છે. પરંતુ તેના કરતા માત્ર 6 રૂપિયા વધુ ખર્ચતા, એટલે કે ₹39માં, ગ્રાહકોને ત્રણ દિવસ સુધી રોજ 3GB ડેટા મળે છે, જે ઘણો વધુ ફાયદાકારક સોદો છે. જો 3GB ની લિમિટ પૂરી થઈ જાય, તો 50 પૈસા પ્રતિ MB ના દરે ચાર્જ લાગુ પડશે.

હાલમાં આ પ્લાન ઉત્તર પ્રદેશ (ઈસ્ટ), મહારાષ્ટ્ર અને તમિલનાડુ જેવા પસંદગીના સર્કલ્સમાં લોન્ચ કરવામાં આવ્યો છે. જોકે, અન્ય રાજ્યોના યુઝર્સ પણ 'Airtel Thanks' એપ દ્વારા ચેક કરી શકે છે કે તેમને આ સ્પેશિયલ ઓફર મળી રહી છે કે નહીં. એરટેલનો આ મૂવ દર્શાવે છે કે કંપની હવે ગ્રાહકોની બદલાતી વપરાશ પદ્ધતિ મુજબ નાના અને શક્તિશાળી ડેટા પેક્સ પર વધુ ધ્યાન આપી રહી છે.