શારદીય નવરાત્રીના ત્રીજા દિવસે, માં દુર્ગાના ત્રીજા સ્વરૂપ માં ચંદ્રઘંટાની પૂજા કરવામાં આવે છે. આ દિવસે મા પોતાના ભક્તોને ધીરજ, શક્તિ અને મનની શાંતિ પ્રદાન કરે છે. માના કપાળ પર ઘંટ જેવા આકારનો અર્ધચંદ્ર હોવાથી તેમને ચંદ્રઘંટા કહેવામાં આવે છે. તેમનું સ્વરૂપ અત્યંત તેજસ્વી અને શક્તિશાળી છે. તેઓ યુદ્ધ મુદ્રામાં સિંહ પર સવાર હોય છે, જે હિંમત અને બહાદુરીનું પ્રતીક છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1758705614681_Plate_01.jpg" alt="Plate_01.jpg" width="500" height="281">
ઘંટડી આકારનો અર્ધચંદ્ર ધારણ
તેમના 10 હાથમાં વિવિધ હથિયારો અને કમળનું ફૂલ હોય છે, જે શાંતિ અને શક્તિ બન્નેનું પ્રતીક છે. માં ચંદ્રઘંટાનું આ સ્વરૂપ દર્શાવે છે કે, મા પોતાના ભક્તોના રક્ષણ માટે શાંતિપૂર્ણ અને રૌદ્ર બંને સ્વરૂપ ધારણ કરી શકે છે. જ્યારે માં પાર્વતીએ ભગવાન શિવ સાથે લગ્ન કર્યા ત્યારે તેમણે ઘંટડી આકારનો અર્ધચંદ્ર ધારણ કર્યો હતો. પાછળથી, જ્યારે રાક્ષસોએ કૈલાશ પર હુમલો કર્યો, ત્યારે માએ ચંદ્રઘંટાનું સ્વરૂપ ધારણ કરીને તેમનો સંહાર કર્યો, જે શક્તિ, હિંમત અને રક્ષણનું પ્રતીક છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1758705722982_Plate_03.jpg" alt="Plate_03.jpg" width="500" height="281">
શ્રદ્ધાપૂર્વક પૂજા-વિધિ કરવી
માં ચંદ્રઘંટાની પૂજા-વિધિ ખૂબ જ સરળ અને શ્રદ્ધાપૂર્વક કરવાની હોય છે. શારદીય નવરાત્રીના ત્રીજા દિવસે સવારે વહેલા ઊઠીને સ્નાન કરો અને સ્વચ્છ કપડાં પહેરો. પૂજા સ્થળને સાફ કરીને લાલ કે પીળા રંગનું આસન પાથરો. તેના પર માં ચંદ્રઘંટાની મૂર્તિ કે તસવીર સ્થાપિત કરો. પૂજા માટે લાલ ફૂલ, અગરબત્તી, દીવો, હળદર, કુમકુમ, ચોખા, મીઠાઈ, ફળ અને થોડું પાણી અથવા ગંગાજળ એકત્રિત કરો.
આ પણ વાંચો: <a href="https://www.benefitnews24.com/gujarati/religion/worship-goddess-chandraghanta-on-the-third-day-of-the-month-/19739" target="_blank" rel="noopener">ત્રીજા નોરતે કરો માતા ચંદ્રઘંટાની પૂજા</a>
આ રીતે કરો પૂજા
સૌથી પહેલા દીવો પ્રગટાવીને અગરબત્તી કરો. ત્યારબાદ હળદર, કુમકુમ અને ચોખાનો તિલક કરીને માને ફૂલ અર્પણ કરો. ભોગ તરીકે મીઠાઈ અને ફળ ચઢાવો. આ દિવસે ખાસ કરીને જીવનની મુશ્કેલીઓ સામે લડવા માટે ધીરજ, હિંમત અને શક્તિ માટે પ્રાર્થના કરો. આ પૂજાથી ઘરમાં સકારાત્મક ઊર્જાનો સંચાર થાય છે અને મનમાં શાંતિનો અનુભવ થાય છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1758705639965_Plate_02.jpg" alt="Plate_02.jpg" width="500" height="281">
જીવનમાં હિંમત અને ધૈર્ય આવશ્યક
મા ચંદ્રઘંટાનો મહિમા અનંત છે. તેઓ આપણને શીખવે છે કે, જીવનમાં હિંમત અને ધૈર્ય અત્યંત આવશ્યક છે, અને આપણી અંદર રહેલી શક્તિને ઓળખીને જ આપણે દરેક પડકારોનો સામનો કરી શકીએ છીએ. નવરાત્રીના ત્રીજા દિવસે તેમની ભક્તિ કરવાથી અને તેમના ધ્યાનમાં લીન થવાથી જીવનમાંથી ભય અને નબળાઈઓ દૂર થાય છે. માંના આશીર્વાદથી જીવનમાં શાંતિ, સફળતા અને ખુશીઓ આવે છે. શારદીય નવરાત્રી 2025ના આ પવિત્ર ત્રીજા નોરતાએ માં ચંદ્રઘંટાની ભક્તિ કરીને તેમના આશીર્વાદ પ્રાપ્ત કરો.

મા ચંદ્રઘંટાના કપાળ પર અર્ધચંદ્ર હોય છે અને તેઓ શાંતિ, શક્તિ અને ધીરજનું પ્રતીક છે

September 24, 2025 | 20:24 IST