ધનતેરસના પર શું કરવું અને શું ન કરવું?

દિવાળીનો મહાપર્વ નજીક આવી રહ્યો છે અને તેની શરૂઆત ધનતેરસના પવિત્ર દિવસથી થાય છે. આ દિવસે પરંપરાગત રીતે સોના અને ચાંદીની ખરીદીને અત્યંત શુભ માનવામાં આવે છે. જોકે, તહેવાર નજીક આવતા જ સોના-ચાંદીની કિંમતોમાં તોફાની તેજી જોવા મળી રહી છે, જેના કારણે ઘણા લોકો માટે આ ખરીદી કરવી મુશ્કેલ બની જાય છે. આવા સમયે, લોકોમાં મૂંઝવણ હોય છે કે, ધનતેરસના દિવસે શુકન માટે સોના-ચાંદી નહીં તો કઈ વસ્તુની ખરીદી કરવી જોઈએ. 

ધનતેરસ પર સોના-ચાંદીની ખરીદી

જ્યોતિષ શાસ્ત્ર અનુસાર, ધનતેરસ પર સોના-ચાંદી ઉપરાંત પણ ઘણી એવી વસ્તુઓ છે જેની ખરીદી કરવાથી માતા લક્ષ્મીની વિશેષ કૃપા પ્રાપ્ત થાય છે અને ઘરમાં સુખ-સમૃદ્ધિનો વાસ થાય છે. આ વર્ષે, ધનતેરસ 2025ની તિથિ 18 ઓક્ટોબરના રોજ છે, જે આર્થિક સ્થિતિને મજબૂત બનાવવા માટે ખાસ માનવામાં આવે છે.

સાવરણીને દરિદ્રતા દૂર કરવાનું પ્રતીક

જ્યોતિષ નિષ્ણાતોના મતે, જે લોકો ધનતેરસના દિવસે સોનું કે ચાંદી નથી ખરીદી શકતા, તેમના માટે પિત્તળ અને તાંબાના વાસણોની ખરીદી ખૂબ જ ફળદાયી માનવામાં આવે છે. આવા વાસણો ઘરમાં લાવવાથી આર્થિક સ્થિતિ મજબૂત બને છે અને સૌભાગ્યમાં વધારો થાય છે. આ ઉપરાંત, સાવરણી, ગોમતી ચક્ર, મીઠું અને ધાણા જેવી 5 વસ્તુઓની ખરીદી પણ શુભ અને સમૃદ્ધિકારક ગણાય છે. સાવરણીને દરિદ્રતા દૂર કરવાનું પ્રતીક અને લક્ષ્મીજીનું સ્વરૂપ માનવામાં આવે છે, જેને ગુપ્ત જગ્યાએ રાખવાથી નકારાત્મક ઊર્જા દૂર થાય છે.

5 વસ્તુઓ ધનતેરસ પર સમૃદ્ધિના દરવાજા ખોલશે

ગોમતી ચક્ર, જે દેખાવમાં શંખ જેવું હોય છે, તે ધનતેરસની પૂજામાં રાખવાથી ધનની ઉણપ દૂર થાય છે અને લક્ષ્મીજીનો સ્થાયી વાસ થાય છે. ખાસ કરીને પીળા રંગનું ગોમતી ચક્ર અત્યંત શુભ હોય છે. મીઠું વાસ્તુ દોષ દૂર કરે છે અને પવિત્રતાનું પ્રતીક છે. જ્યારે ધાણાની પૂજામાં લક્ષ્મીજીને અર્પણ કરીને તિજોરીમાં રાખવાથી ધનની બરકત જળવાઈ રહે છે, આમ આ 5 વસ્તુઓ ધનતેરસ પર સમૃદ્ધિના દરવાજા ખોલી શકે છે.

કોઈપણ વ્યક્તિને ઉધારમાં પૈસા ન આપવા

ધનતેરસની તિથિ, જે મા લક્ષ્મી અને કુબેરની પૂજા માટે ખાસ છે, તેટલી જ મહત્વની ઉધાર લેવડ-દેવડની બાબતોમાં પણ છે. શાસ્ત્રો અનુસાર, ધનતેરસના દિવસે કેટલીક વસ્તુઓ ભૂલથી પણ કોઈને ઉધાર આપવી જોઈએ નહિ. સૌપ્રથમ, આ દિવસે કોઈપણ વ્યક્તિને ઉધારમાં પૈસા આપવાનું ટાળવું જોઈએ, કારણ કે માન્યતા છે કે, આમ કરવાથી ઘરની બરકત જઈ શકે છે અને મોટું નુકસાન થઈ શકે છે.

ખાંડ ન ઉધારમાં આપશો 

બીજું, ધનતેરસના દિવસે સાંજે ભૂલથી પણ પડોશીના લોકોને ખાંડ ઉધારમાં આપશો નહિ. ખાંડનો સંબંધ મા લક્ષ્મી સાથે છે, અને સાંજના સમયે તે આપવાથી ઘરની આર્થિક સ્થિતિ ખરાબ થઈ શકે છે. ત્રીજું, રસોડામાં ઉપયોગમાં લેવાતું મીઠું ધનની બરકત સાથે જોડાયેલું છે. ધનતેરસના દિવસે સાંજે મીઠું આપવાથી મન ખરાબ થઈ શકે છે, કારણ કે મીઠું સમુદ્રમાંથી પ્રાપ્ત થાય છે અને મા લક્ષ્મી અને સાગરનો સંબંધ જાણીતો છે. અંતે, ધનતેરસના દિવસે સાંજે કોઈને દૂધ, ઘી, તેલ તેમજ સોય જેવી વસ્તુઓ ઉધારમાં આપશો નહિ, કારણ કે, આમ કરવાથી ગ્રહોની ચાલ બગડી શકે છે અને ખરાબ પરિસ્થિતિઓ આવી શકે છે.