વડોદરા: કોંગ્રેસ નેતાઓની અટકાયત,'શરમ કરો શરમ કરો' ના લગાવ્યા નારા

વડોદરામાં પ્રધાન મંત્રી નરેન્દ્ર મોદીને રજુઆત તેમજ મુલાકાત કરવા જતાં કૉંગ્રેસ નેતા અને પૂર્વ વિપક્ષ નેતા અમી રાવત તથા પ્રદેશ પ્રવકતા નરેન્દ્ર રાવતની તેમના નિવાસસ્થાનેથી પોલીસે ધરપકડ કરી છે.આ સાથે કૉંગ્રેસ અગ્રણી અનુજ નગરશેઠ, કિરણ કાપડિયા, દુષ્યંત રાજપુરોહિત ,હાર્દિક અમોદિયા, તરુણ ઠક્કર, નબી પઠાણ, દિનેશ લિંબાચિયા, હસમુખ પરમાર, આઝમખાન પઠાણ, સંતોષ મિશ્રા, ઇસ્માઇલ ચાચા, ગુપ્તાજી, ઘનશ્યામ પટેલની પણ ધરપકડ કરવામાં આવી હતી.

તમને જણાવી દઈએ કે, અમી રાવતે ભયાનક પુરની બાબતે થયેલી તારાજીમાં રાહત પેકેજ અને પુર રોકવા ભવિષ્યના આયોજન અને ભાજપના વહીવટ સામે આક્રોશ વ્યકત કર્યો હતો.

પોલીસ દ્વારા ધરપકડ કરાતાં તમામ નેતાઓએ  'નરેન્દ્ર મોદી હાય હાય' તેમજ 'શરમ કરો શરમ કરો'ના સૂત્રોચ્ચાર કર્યા હતા. ત્યારબાદ પોલીસ દ્વારા આ કોંગ્રેસ નેતાની ધરપકડ કરી તેમને વાનમાં બેસાડી લઈ જવામાં આવ્યા હતા.

તમને જણાવી દઈએ કે, નરેન્દ્ર રાવત અને અમી રાવતના ઘરે ગઈકાલથી જ પોલીસનો કડક બંદોબસ્ત છે. અહીં નોંધનીય બાબત એ છે કે, આ નેતાઓ નજરકેદ હોવા છતાં તેઓ વડોદરામાં યોજાઇ રહેલા કાર્યક્રમમાં પહોંચવા નીકળ્યા હતા જે દરમિયાન પોલીસે તેમની ધરપકડ કરી હતી.